വിദേശ വനിതകള്‍ക്ക് നേരെ നഗ്‌നതാ പ്രദര്‍ശനം നടത്തി യുവാക്കൾ. വർക്കല തിരുവമ്പാടി ബീച്ചിലാണ് തിങ്കളാഴ്ച രാത്രി എട്ടുമണിയോടെ നടക്കാനിറങ്ങിയ വിദേശ വനിതകള്‍ക്ക് നേരെ ബൈക്കിലെത്തിയ രണ്ടംഗ സംഘം നഗ്നതാപ്രദർശനം നടത്തിയും, കടന്നുപിടിക്കാൻ ശ്രമിച്ചും പരാക്രമം നടത്തിയത്. രണ്ടംഗ സംഘം ലൈംഗികാതിക്രമത്തിന് ശ്രമിച്ചതെന്ന് ബ്രിട്ടന്‍, ഫ്രാന്‍സ് എന്നി രാജ്യങ്ങളിലെ വിദേശ വനിതകള്‍ നൽകിയ പരാതിയിൽ പറയുന്നു.

കഴിഞ്ഞ എട്ട് മാസമായി വര്‍ക്കലയിലെ ഒരു ഹോം സ്റ്റേയിലാണ് ഇവർ താമസിക്കുന്നത്. ഇവർക്കൊപ്പം താമസിക്കുന്ന മുംബൈ സ്വദേശിനിക്കും ഇതേ ദുരനുഭവം ഉണ്ടായതായി വ്യക്തമാക്കുന്നു. സംഭവം നടന്ന സ്ഥലത്ത് വെളിച്ചം കുറവായിരുന്നു. ഈ സമയത്തായിരുന്നു ബൈക്കിലെത്തിയ സംഘം ആക്രമിക്കാന്‍ ശ്രമിച്ചത്. മാസ്‌ക് ധരിച്ചത് മൂലം ഇവരെ പെട്ടെന്ന് തിരിച്ചറിയാന്‍ സാധിച്ചില്ല. എന്നാല്‍ ഇവരെ കുറിച്ച്‌ ഏകദേശം രൂപം ലഭിച്ചതായാണ് പോലീസ് പറയുന്നത്.