വായ്പ തിരിച്ചടവ് മുടങ്ങിയതോടെ സ്വകാര്യ പണമിടപാട് സ്ഥാപനത്തിന്റെ ഭീഷണിയെ തുടര്‍ന്ന് ഗൃഹനാഥന്‍ ആത്മഹത്യ ചെയ്തു. കോവിഡ് ലോക്ക്ഡൗണ്‍ പ്രതിസന്ധിയെ തുടര്‍ന്നാണ് വായ്പ തിരിച്ചടവ് മുടങ്ങിയത്. ഇടുക്കി പാമ്ബാടുംപാറ നെല്ലിപ്പാറയില്‍ 45 കാരനായ സന്തോഷ് ആണ് ആത്മഹത്യ ചെയ്തത്. കടക്കെണി മൂലമാണ് ആത്മഹത്യയെന്ന് ഭാര്യ പറഞ്ഞു. കടമെടുത്ത പണത്തിന്റെ തിരിച്ചടവ് ആവശ്യപ്പെട്ടു സ്വകാര്യ പണമിടപാട് സ്ഥാപനങ്ങള്‍ നിരന്തരം ഭീഷണിപ്പെടുത്തിയിരുന്നുവെന്ന് ഭാര്യ ഗീത പറയുന്നു.