ലോക് ഡൗണ്‍ സമയത്ത് പൊതുവേ അതിക്രമങ്ങള്‍ കുറവാണ്. എന്നാല്‍ മാസ്‌ക് മറയാക്കി വിദേശ വനിതകളെ അപമാനിക്കാന്‍ ശ്രമിക്കുകയായിരുന്നു രണ്ട് യുവാക്കള്‍. എന്നാല്‍ പോലീസ് ഊര്‍ജിതമായതോടെ ഒരാളെ കൈയ്യോടെ പിടികൂടി.

വിദേശ വനിതകളെ അപമാനിക്കാന്‍ ശ്രമിച്ച ഇടവ മുക്കാലയ്ക്കല്‍ കളീയ്ക്കല്‍ വീട്ടില്‍ മഹേഷ് അറസ്റ്റില്‍. യുകെ, ഫ്രാന്‍സ് സ്വദേശിനികളാണ് പരാതിയുമായി ഇന്നലെ വര്‍ക്കല പൊലീസ് സ്‌റ്റേഷനില്‍ എത്തിയത്. തിങ്കള്‍ രാത്രി 8 മണിയോടെ ക്ലിഫ് തിരുവമ്പാടി ബീച്ചില്‍ സവാരിക്ക് ഇറങ്ങിയ വേളയിലാണ് സംഭവം.

ബൈക്കിലെത്തിയ ഒരാള്‍ നഗ്‌നതാ പ്രദര്‍ശനം നടത്തിയെന്നും മറ്റൊരാള്‍ കടന്നുപിടിക്കാന്‍ ശ്രമിച്ചെന്നും പരാതിയില്‍ പറയുന്നു. ഇവര്‍ ബഹളം വച്ചതോടെ രണ്ടു പേരും രക്ഷപ്പെട്ടു. 8 മാസമായി വര്‍ക്കല കുരയ്ക്കണ്ണി ഹോംസ്‌റ്റേയില്‍ താമസിക്കുകയാണ് വനിതകള്‍. ഇവരോടൊപ്പം താമസിക്കുന്ന മുംബൈ സ്വദേശിനിക്കും കഴിഞ്ഞ മാസം സമാനരീതിയില്‍ അതിക്രമം നേരിടേണ്ടി വന്നു.

പരാതി കിട്ടി മണിക്കൂറുകള്‍ക്കകം ആയിരുന്നു അറസ്റ്റ്. ഡിവൈഎസ്പി എന്‍.ബാബുക്കുട്ടന്റെ നേതൃത്വത്തില്‍ ഇന്‍സ്‌പെക്ടര്‍ എസ്.ദ്വിജേഷ്, എസ്‌ഐ അനില്‍കുമാര്‍, എഎസ്‌ഐമാരായ ബി.ജയപ്രസാദ്, ഷൈന്‍, സിപിഒമാരായ അന്‍സര്‍, ഷിറാസ് എന്നിവരാണ് പ്രതിയെ പിടികൂടിയത്.

വര്‍ക്കല ബീച്ചില്‍ ടൂറിസ്റ്റുകളായ വിദേശവനിതകള്‍ക്കു നേരെയാണ് നേരെ ലൈംഗികാതിക്രമത്തിനു ശ്രമം. തിരുവമ്പാടി ബീച്ചില്‍ നടക്കാനിറങ്ങിവര്‍ക്കു നേരെയാണ് ആക്രമണം. യുകെ, ഫ്രാന്‍സ് സ്വദേശിനികള്‍ വര്‍ക്കല പൊലീസില്‍ പരാതി നല്‍കി.

ബൈക്കിലെത്തിയ രണ്ടു പേര്‍ യുവതികള്‍ക്കു നേരെ ലൈംഗികാതിക്രമത്തിന് ശ്രമിക്കുകയായിരുന്നു. വ്യാഴം ഉച്ചയ്ക്കാണ് യുവതികള്‍ പരാതി നല്‍കിയത്. സംഭവത്തില്‍ പൊലീസ് അന്വേഷണം തുടങ്ങി.

തിരുവമ്പാടി ബീച്ചിലെ വെളിച്ചം കുറവായ പ്രദേശത്ത് യുവതികള്‍ നടക്കാനിറങ്ങിയപ്പോഴാണ് അക്രമമുണ്ടായത്. മാസ്‌ക് ധരിച്ചിട്ടുണ്ടായതിനാല്‍ അക്രമികളുടെ മുഖം യുവതികള്‍ വ്യക്തമായി കണ്ടില്ല. എന്നാല്‍ പോലീസിന് മാസ്‌ക് ഒരു തടസമായില്ല.

ലോക്ഡൗണ്‍ കാരണം ടൂറിസം മേഖല തകര്‍ന്നിരിക്കുകയാണ് അതിനിടയിലാണ് യുവാക്കളുടെ പരാക്രമവും. എന്നാല്‍ പോലീസ് പെട്ടന്ന് ഇടപെട്ടതോടെ പ്രതി കുടുങ്ങി.

തിരുവനന്തപുരത്തു നിന്ന് 51 കിലോമീറ്റര്‍ വടക്കും കൊല്ലത്തു നിന്ന് 37 കിലോമീറ്റര്‍ തെക്കുമാണ് വര്‍ക്കല. കടല്‍ത്തീരങ്ങള്‍, ലവണ ജല ഉറവ, ശിവഗിരി മഠം, വിഷ്ണു ക്ഷേത്രം, ആയുര്‍വ്വേദ റിസോര്‍ട്ടുകള്‍, താമസ സൗകര്യങ്ങള്‍. ഒട്ടേറെ ആയുര്‍വേദ ഉഴിച്ചില്‍ കേന്ദ്രങ്ങള്‍ വര്‍ക്കലയിലുണ്ട്. ഒരു പ്രകൃതി ചികിത്സാ കേന്ദ്രവും. ഒരു ആയുര്‍വേദ റിസോര്‍ട്ടായും വര്‍ക്കല പ്രാധാന്യം നേടി വരുന്നു.

ശാന്തവും സുന്ദരവും ആണ് വര്‍ക്കല. മനോഹരമായ കടല്‍ത്തീരങ്ങള്‍, വിഷ്ണു ക്ഷേത്രം, ശിവഗിരി മഠം, ആശ്രമം തുടങ്ങിയവ വര്‍ക്കലയുടെ പ്രധാന ആകര്‍ഷണങ്ങളാണ്. പാപനാശം എന്നറിയപ്പെടുന്ന വര്‍ക്കല കടല്‍ത്തീരം വര്‍ക്കല റെയില്‍വേ സ്‌റ്റേഷനില്‍ നിന്ന് 10 കിലോമീറ്റര്‍ അകലെയാണ്. കടലോരത്തുള്ള ഒരു സ്വാഭാവിക ഉറവയാണ് ഈ കടലിന് പാപനാശം കടല്‍ എന്ന പേരു നേടിക്കൊടുത്തത്.

ഈ ഉറവയിലെ വെള്ളത്തിന് ഔഷധ ഗുണമുണ്ടെന്നു കരുതുന്നു. ഈ ഉറവയില്‍ കുളിക്കുന്നത് വര്‍ക്കലയില്‍ പ്രശസ്തമാണ്. കടല്‍ത്തീരത്തെ അഭിമുഖീകരിച്ചാണ് പാറക്കെട്ടുകള്‍ക്കിടയില്‍ ജനാര്‍ദ്ദന സ്വാമി ക്ഷേത്രത്തിന്റെ സ്ഥാനം. 2000 വര്‍ഷം പഴക്കമുണ്ട് ഈ ക്ഷേത്രത്തിനെന്നു പറയുന്നു.

ശ്രീ നാരായണ ഗുരുവിന്റെ (1856 1928) പ്രവര്‍ത്തന കേന്ദ്രവും പിന്നീട് സമാധി സ്ഥലവുമായിത്തീര്‍ന്ന ശിവഗിരി മഠവും വര്‍ക്കലയില്‍ തന്നെ. ഇങ്ങനെ ഏറെ പ്രത്യേകതയുള്ള വര്‍ക്കല തീര്‍ത്ഥാടകര്‍ക്ക് ഏറെ പ്രിയങ്കരമാണ്.