മറ്റു സംസ്ഥാനങ്ങളേക്കാള്‍ കേരളത്തില്‍ കൊവിഡ് കാലത്തുണ്ടായ അധിക മരണങ്ങള്‍ കുറവാണെന്ന് പ്രമുഖ ദേശീയ മാധ്യമം റിപ്പോര്‍ട്ട് ചെയ്യുകയുണ്ടായി. വിവിധ സംസ്ഥാനങ്ങളില്‍ കൊവിഡ് കാലത്തും അതിന് മുന്‍പുള്ള വര്‍ഷങ്ങളിലും നടന്ന മരണങ്ങളുടെ അടിസ്ഥാനത്തിലാണ് കേരളത്തില്‍ അധിക മരണങ്ങള്‍ കുറവാണെന്ന് കണ്ടെത്തിയിരിക്കുന്നത്.

പ്രമുഖ ദേശീയ മാധ്യമത്തില്‍ ശ്രീനിവാസന്‍ രമണി തയ്യാറാക്കിയ റിപ്പോര്‍ട്ടിലാണ് ഇത്തരത്തിൽ വിവിധ സംസ്ഥാനങ്ങളില്‍ കൊവിഡ് കാലത്തും അതിനു മുന്‍പും നടന്നിട്ടുള്ള മരണങ്ങളുടെ കണക്കുകള്‍ വ്യക്തമാക്കിയിട്ടുളളത്. ഇതിലാണ് കേരളത്തിൽ മരണങ്ങൾ കുറവാണെന്നുള്ള റിപ്പോർട്ടുകൾ പുറത്ത് വന്നിരിക്കുന്നത്.

കൂടാതെഹ് സംസ്ഥാനങ്ങളിലെ സിവില്‍ രജിസ്‌ട്രേഷന്‍ സിസ്റ്റത്തില്‍ നിന്നും ലഭിച്ച കണക്കുകളുടെ അടിസ്ഥാനത്തില്‍ തയ്യാറാക്കിയ പട്ടികയും റിപ്പോര്‍ട്ടില്‍ പുറത്തുവിട്ടിട്ടുണ്ട്.

അതേസമയം ഏറ്റവും കൂടുതല്‍ അധിക മരണങ്ങള്‍ റിപ്പോര്‍ട്ട് ചെയ്തിട്ടുള്ള സംസ്ഥാനം മധ്യപ്രദേശാണ്. സമാനമായ രീതിയില്‍ ആന്ധ്രാപ്രദേശിലും കര്‍ണാടകയിലും രാജസ്ഥാനിലും അധിക മരണങ്ങള്‍ രേഖപ്പെടുത്തിയിട്ടുണ്ട്.