കൊവിഡ് മരണവുമായി ബന്ധപ്പെട്ട് പ്രതിപക്ഷം ഉയര്‍ത്തുന്ന ആരോപങ്ങള്‍ അടിസ്ഥാന രഹിതമെന്ന് ആരോഗ്യമന്ത്രി വീണാ ജോര്‍ജ്.കേന്ദ്ര ആരോഗ്യമന്ത്രാലയത്തിന്‍റെ ഭാഗത്ത് നിന്നും കൊവിഡ് മരണവുമായി ബന്ധപ്പെട്ട് ഇതുവരെ വിമര്‍ശനങ്ങള്‍ ഉയര്‍ന്നിട്ടില്ലെന്നും വീണാ ജോര്‍ജ് പറഞ്ഞു.

പ്രതിപക്ഷത്തിന്‍റെ വിമര്‍ശനം വെറും രാഷ്ട്രീയ പ്രേരിതമാണ്. കൊവിഡ് ആരംഭിച്ചിട്ട് ഇതുവരെയായി കൊവിഡ് മരണവുമായി ബന്ധപ്പെട്ട് പരാതി ലഭിച്ചിട്ടില്ല.പരാതി ലഭിച്ചാല്‍ നടപടിയെടുക്കും.കേന്ദ്ര സര്‍ക്കാരില്‍ നിന്നോ ആരോഗ്യമന്ത്രാലയത്തിന്‍റെ ഭാഗത്ത് നിന്നോ ഇതുമായി ബന്ധപ്പെട്ട് ഒരു വിമര്‍ശനവും ഉണ്ടായിട്ടില്ലെന്നും ആരോഗ്യമന്ത്രി പറഞ്ഞു.