വഴിയിൽ നിന്നും കളഞ്ഞു കിട്ടുന്ന ചില ബന്ധങ്ങളുണ്ടെന്ന് ജസ്‌ല മാടശ്ശേരി അവർ ചിലപ്പോൾ ജീവിതത്തിൽ വല്ലാത്ത സന്തോഷം തന്നു ഒപ്പം കൂടും ജസ്‌ല പറയുന്നു. ജസ്‌ല ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; വഴിയിൽ നിന്നും കളഞ്ഞു കിട്ടുന്ന ചില ബന്ധങ്ങളുണ്ട്... അവർ ചിലപ്പോൾ ജീവിതത്തിൽ വല്ലാത്ത സന്തോഷം തന്നു ഒപ്പം കൂടും...

കുറെ ദിവസങ്ങൾക്കു ശേഷം ബാംഗ്ലൂർ വീണ്ടും വന്നു... അധികനാൾ ഇല്ല.. കുറച്ചു ദിവസത്തേക്ക്.. ഒരു പരീക്ഷ എഴുതാൻ വന്നതാണ്... ചായകുടി അഡിക്റ്റഡ് ആയ എനിക്ക് ഒരുപാട് നല്ലകൂട്ടുകാരെയും നല്ല അനുഭവങ്ങളും സമ്മാനിച്ച ഒരു ദുശീലമായതുകൊണ്ട് തന്നെ അത് നിർത്താൻ പ്രത്യേക പ്ലാൻ ഒന്നും.. ഇല്ല...

ചില ദുശീലങ്ങൾ അങ്ങനെയുമാണല്ലോ... ഒരു ദിവസം മിനിമം 10 ചായ or കോഫീ കുടിക്കും ഞാൻ അതുകൊണ്ട് തന്നെ തെരുവുകളിൽ ചായക്കടകൾ തേടിയുള്ള യാത്രകൾ എനിക്കേറെ പ്രിയപ്പെട്ടതാണ്... രാത്രിയോ പകലോ ഇല്ലാതെ... എത്ര ദൂരം വേണമെങ്കിലും ഞാൻ ചായ കുടിക്കാൻ അലയും...

അങ്ങനെ കൊറച്ചു ദിവസം മുൻപേ ചായകുടിക്കാൻ പോയപ്പോ കിട്ടിയ കമ്പനി ആണ് കീർത്തിയെന്ന... കർണാടക കാരൻ ചങ്ങാതി... കൊറേ സംസാരിച്ചു...പിരിഞ്ഞു.. പിന്നേം കണ്ടപ്പോ ഞാൻ കാണാതെ പോലെ നടന്നു.. എന്റെ മോശം...iam very bad in keeping touch...

പക്ഷെ....വീണ്ടും പലയിടത്തും വെച്ച് കണ്ടു... നല്ല സുഹൃത്തായി... കന്നഡ സംസാരിക്കാനറിയാത്ത ഞാനിന്നു... എത്രമണിക്കൂർ ആണ് കന്നഡ സംസാരിച്ചതെന്നു എനിക്കറിയില്ല... എന്റെ ഒരേ ഒരു ധൈര്യം.. ഞാൻ പറയുന്നത് അവനും അവൻ പറയുന്നത് എനിക്കും മനസ്സിലാവുന്നുണ്ട്... എന്നതായിരുന്നു...

നല്ല ഒരു സുഹൃത്തിനെ കിട്ടിയ സന്തോഷം എന്നിലുണ്ട്... ഇന്നലെ ഇതുപോലെ ചിക്പേട്ട് ലൂടെ അലഞ്ഞപ്പോൾ അവിടന്നും കിട്ടി ഒരു കമ്പനി... ഗുരു... തെരുവിലെ പഞ്ഞിമുട്ടായി വില്പനക്കാരനാണ്... എത്രമനോഹരമായാണ്.. ഞങ്ങൾ മണിക്കൂറുകളോളം ചായയും കുടിച്ച് പരസപരം മനസ്സിലാവാത്ത ഭാഷയിൽ സംസാരിച്ചതെന്നോ... അങ്ങനെ എത്രയെത്ര ബന്ധങ്ങളാണ് നമുക്കൊരോ ദിവസവും കിട്ടുന്നത്... മനുഷ്യന് പരസ്പരം കമ്മ്യൂണിക്കേട് ചെയ്യാൻ...സ്നേഹത്തിന്റെ ഭാഷ മതിയത്രേ...