'അവശേഷിക്കുന്ന കോണ്ഗ്രസും ജനങ്ങള്ക്ക് ബാധ്യതയാവും'; വീഴ്ചകളില് നിന്ന് പാഠം പഠിക്കാത്ത പ്രസ്ഥാനമായി കോണ്ഗ്രസ് മാറിയിരിക്കുകയാണെന്ന് മന്ത്രി വി ശിവന്കുട്ടി
വീഴ്ചകളില് നിന്ന് പാഠം പഠിക്കാത്ത പ്രസ്ഥാനമായി കോണ്ഗ്രസ് മാറിയിരിക്കുകയാണെന്ന് മന്ത്രി വി ശിവന്കുട്ടി. മതനിരപേക്ഷ വോട്ടുകള് ഭിന്നിപ്പിച്ചത് മൂലം കോണ്ഗ്രസ് മത്സരിച്ചത് ഉത്തര്പ്രദേശില് ബിജെപിക്ക് ഗുണം ചെയ്തു.തമ്മിലടിയും ചേരിതിരിവും അഴിമതിയും സ്വജനപക്ഷപാതവും കൊണ്ട് അവശേഷിക്കുന്ന കോണ്ഗ്രസും ജനങ്ങള്ക്ക് ബാധ്യതയാവുമെന്നും ശിവന്കുട്ടി പറഞ്ഞു. അഞ്ച് സംസ്ഥാനങ്ങളിലെ നിയമസഭകളിലേക്ക് നടന്ന തെരഞ്ഞെടുപ്പില്, ഭരണമുണ്ടായിരുന്ന ഏക സംസ്ഥാനമായ പഞ്ചാബിലുള്പ്പെടെ വന് തോല്വിയാണ് കോണ്ഗ്രസ് നേരിട്ടത്.
ദേശീയ തലത്തില് ബിജെപിക്ക് ബദല് കോണ്ഗ്രസ് എന്ന് കുറേകാലമായി വലതുപക്ഷ വിശകലന വിദഗ്ദ്ധര് പറയുന്നു. എന്നാല് കോണ്ഗ്രസ് അടി പതറിയ മറ്റൊരു തെരഞ്ഞെടുപ്പ് വിധി കൂടി വന്നുകൊണ്ടിരിക്കുകയാണ്. തെരഞ്ഞെടുപ്പ് നടന്ന അഞ്ചു സംസ്ഥാനങ്ങളിലും കോണ്ഗ്രസിന് അധികാരത്തില് എത്താനാകില്ല എന്നാണ് പ്രവണതകള് സൂചിപ്പിക്കുന്നതെന്നും ശിവന്കുട്ടി കുറിച്ചു.
https://www.facebook.com/Malayalivartha