മനസ്സിലെന്നെന്നും ഓര്‍മ്മയായി.... സംഭവത്തില്‍ അട്ടിമറി സാദ്ധ്യത തള്ളി പൊലീസ്, അന്തിമ നിഗമനത്തിനായി വീട്ടിലെ സിസിടിവി ദൃശ്യങ്ങള്‍ വീണ്ടെടുക്കാനാണ് ശ്രമം, വര്‍ക്കലയില്‍ വീടിന് തീപിടിച്ച് മരിച്ച അഞ്ച് പേരുടെയും സംസ്‌കാരം ഇന്ന് .... പൊതുദര്‍ശനത്തിന് ശേഷമായിരിക്കും ചടങ്ങുകള്‍ , കണ്ണീരോടെ വീട്ടുകാരും നാട്ടുകാരും
മനസ്സിലെന്നെന്നും ഓര്‍മ്മയായി.... സംഭവത്തില്‍ അട്ടിമറി സാദ്ധ്യത തള്ളി പൊലീസ്, അന്തിമ നിഗമനത്തിനായി വീട്ടിലെ സിസിടിവി ദൃശ്യങ്ങള്‍ വീണ്ടെടുക്കാനാണ് ശ്രമം, വര്‍ക്കലയില്‍ വീടിന് തീപിടിച്ച് മരിച്ച അഞ്ച് പേരുടെയും സംസ്‌കാരം ഇന്ന് .... കണ്ണീരോടെ വീട്ടുകാരും നാട്ടുകാരും
തീപിടിത്തം ആസൂത്രിതമല്ലെന്ന നിഗമനത്തിലാണ് അന്വേഷണ സംഘം. തീപടര്‍ന്നത് ബൈക്കില്‍ നിന്നാകാമെന്നാണ് അന്വേഷണ ഉദ്യോഗസ്ഥര്‍ സംശയിക്കുന്നത്.
ബാഹ്യ ഇടപെടലുകള്‍ക്കോ അപായപ്പെടുത്തലിനോ ഉള്ള തെളിവുകള്‍ കണ്ടെത്താനായിട്ടില്ല. അന്തിമ നിഗമനത്തിനായി വീട്ടിലെ സിസിടിവി ദൃശ്യങ്ങള്‍ വീണ്ടെടുക്കാനാണ് ശ്രമം നടക്കുന്നത്.
വര്‍ക്കല പുത്തന്‍ചന്തയിലെ ആര്‍.പി.എന്‍ പച്ചക്കറി പഴവര്‍ഗ മൊത്ത വ്യാപാര സ്ഥാപന ഉടമ അയന്തി പന്തുവിള രാഹുല്‍ നിവാസില്‍ ബേബിയെന്ന് വിളിക്കുന്ന ആര്‍. പ്രതാപന്‍ (62), ഭാര്യ ഷേര്‍ളി (52), മരുമകള്‍ അഭിരാമി (24), ഇളയമകന്‍ അഹില്‍ (29), അഭിരാമിയുടെ മകന്‍ റയാന്‍ (എട്ട് മാസം) എന്നിവരാണ് മരിച്ചത്.
പ്രതാപന്റെ രണ്ടാമത്തെ മകന്‍ നിഖിലിനും(29) പൊള്ളലേറ്റിരുന്നു. അഞ്ച് പേരുടെയും സംസ്‌കാരം ഇന്ന് നടക്കും. പൊതുദര്‍ശനത്തിന് ശേഷമായിരിക്കും ചടങ്ങുകള്‍.
കഴിഞ്ഞ ചൊവ്വാഴ്ച പുലര്‍ച്ചെയായിരുന്നു അപകടം നടന്നതെങ്കിലും അഭിരാമിയുടെ പിതാവിന് വിദേശത്തുനിന്ന് എത്താന്‍ കഴിയാതിരുന്നതിനാലാണ് സംസ്‌കാര ചടങ്ങുകള്‍ വൈകാന്‍ കാരണം. ഉച്ചയ്ക്ക് 2.30ന് വീട്ടുവളപ്പിലാണ് അഞ്ചുപേരുടെയും മൃതദേഹം സംസ്‌കരിക്കുക.
"
https://www.facebook.com/Malayalivartha
