സംസ്ഥാനത്തെ അതിഥി തൊഴിലാളികള്ക്ക് കുറഞ്ഞ വാടകയില് കുടുംബസമേതം താമസം ഉറപ്പാക്കാനുള്ള 'ഗസ്റ്റ് വര്ക്കേഴ്സ് ഫ്രണ്ട്ലി റെസിഡന്സ് ഇന് കേരള പ്രോജക്ട്' പദ്ധതി വിപുലമാക്കുമെന്ന് തൊഴില് മന്ത്രി വി. ശിവന്കുട്ടി
സംസ്ഥാനത്തെ അതിഥി തൊഴിലാളികള്ക്ക് കുറഞ്ഞ വാടകയില് കുടുംബസമേതം താമസം ഉറപ്പാക്കാനുള്ള 'ഗസ്റ്റ് വര്ക്കേഴ്സ് ഫ്രണ്ട്ലി റെസിഡന്സ് ഇന് കേരള പ്രോജക്ട്' പദ്ധതി വിപുലമാക്കുമെന്ന് തൊഴില് മന്ത്രി വി. ശിവന്കുട്ടി.
അതിഥി തൊഴിലാളികള്ക്കായി തൊഴില്പരവും അല്ലാത്തതുമായ ഉപദേശങ്ങള് നല്കാന് ഒമ്പതു ജില്ലകളില് നിലവില് ഫെസിലിറ്റേഷന് സെന്റര് ഉണ്ട്. ബാക്കിയുള്ള അഞ്ചു ജില്ലകളില് ഫെസിലിറ്റേഷന് സെന്ററുകള് ആരംഭിക്കുന്നതിനുള്ള ക്രമീകരണങ്ങള് പൂര്ത്തിയായി. ഉടന്തന്നെ അവ ഉദ്ഘാടനം ചെയ്യാനാകുമെന്നും മന്ത്രി അറിയിച്ചു.
തൊഴിലാളി ശ്രേഷ്ഠ പുരസ്കാരത്തിനുള്ള അപേക്ഷകള് സ്വീകരിച്ചു കഴിഞ്ഞു. വൈകാതെ പുരസ്കാര വിതരണം നടത്തും. സംസ്ഥാനത്തെ 17 തൊഴില്മേഖലകളില് ഏറ്റവും മികച്ച തൊഴിലാളികളെ കണ്ടെത്തി ഓരോ തൊഴിലാളിക്കും ഒരു ലക്ഷം രൂപയും പ്രശസ്തിപത്രവും നല്കുന്ന പദ്ധതിയാണ് തൊഴിലാളി ശ്രേഷ്ഠ.
വിവിധ മാനദണ്ഡങ്ങളുടെ അടിസ്ഥാനത്തില് തൊഴിലാളികള്ക്ക് ആരോഗ്യകരമായ തൊഴിലന്തരീക്ഷം പ്രദാനം ചെയ്യുന്ന തൊഴിലുടമയെ കണ്ടെത്തി ഏറ്റവും മികച്ച തൊഴിലാളികള്ക്ക് വജ്ര, സുവര്ണ തുടങ്ങിയ ഗ്രേഡിങ് നല്കി ആദരിക്കുന്നു.
വജ്ര പുരസ്കാരം നേടുന്നവരില് നിന്നും ഏറ്റവും മികച്ച തൊഴിലുടമയെ തെരഞ്ഞെടുത്ത് അവര്ക്ക് മുഖ്യമന്ത്രിയുടെ മികവിന്റെ അംഗീകാരം നല്കും.
al
https://www.facebook.com/Malayalivartha
