വിവാഹ ദിവസം സാരിയും ബ്ലൗസും അണിയിക്കാന് സഹായികൾ, ശേഷം മെയ്ക്കപ്പ് ചെയ്യാനായി റൂമിലേക്ക് കൊണ്ടു പോയി, സ്തനങ്ങള്ക്കിടയിലുള്ള ഭാഗത്ത് മെയ്ക്കപ്പ് ചെയ്യുന്നതിനിടെ അയാള് എന്റെ സ്തനങ്ങളില് അമര്ത്തി പിടിച്ച് മുന്നോട്ട് വലിച്ചു, എല്ലാം നിമിഷ നേരം കൊണ്ട് അയാള് ചെയ്തു, അതിന് ശേഷം ചെവിയില് പറഞ്ഞ രഹസ്യവും ഞെട്ടിച്ചു, മെയ്ക്കപ്പ് ആര്ട്ടിസ്റ്റ് അനീസ് അന്സാരിക്ക് എതിരെ പീഡന പരാതിയുമായി പ്രവാസി യുവതി....
അനീസ് അന്സാരിക്കെതിരെ ഉയര്ന്ന മീ ടൂ ആരോപണത്തിന് പിന്നാലെയാണ് യുവതികള് പരാതിയുമായി രംഗത്ത് എത്തിയത്. ഇപ്പോൾ ഓസ്ട്രേലിയയിലുള്ള പ്രവാസി യുവതി ഇയാൾക്കെതിരെ പീഡന പരാതിയുമായി എത്തിയത്. ഓസ്ട്രേലിയന് യുവതിയുടെ പരാതിയിലും പൊലീസ് കേസെടുക്കും. ഓണ്ലൈനായി മൊഴി രേഖപ്പെടുത്തി ശേഷമാകും പുതിയ കേസ് രജിസ്റ്റര് ചെയ്യുക.
ഗുരുതര ആരോപണമാണ് യുവതി ഉന്നയിക്കുന്നത്. ഓസ്ട്രേലിയയില് ജോലി ചെയ്യുന്ന മലയാളിയായ യുവതി ഒന്പതു മണിയോടുകൂടിയാണ് ഇമെയിലിലൂടെ കമ്മീഷണര്ക്ക് പരാതി നല്കിയത്. വിവാഹസമയത്ത് സെലിബ്രിറ്റി മേക്കപ്പ് ആര്ട്ടിസ്റ്റ് എന്ന നിലയില് അനീസ് അന്സാരിയെ സമീപിക്കുകയായിരുന്നെന്നും മേക്കപ്പ് ചെയ്യുന്നതിനിടെ ശാരീരികമായി ഉപദ്രവിച്ചുവെന്നുമാണ് പരാതി. വിവാഹസമയം ആയിരുന്നതിനാല് പരാതി നല്കാന് ഭയപ്പെട്ടുവെന്നും യുവതി പറഞ്ഞു. അനീസിനെതിരെ മറ്റ് പരാതികള് ഉയര്ന്നതോടെയാണ് രംഗത്തുവരുന്നതെന്നും പരാതിയില് പറയുന്നു.
എന്റെ വിവാഹം നടന്നത് 2015 ഏപ്രില് 25നാണ്. ട്രയല് മേക്കപ്പിനായി അനീസ് അന്സാരിയുടെ സ്റ്റുഡിയോയില് പോയി. അന്ന് എല്ലാം നന്നായി തീര്ന്നു. എന്നാല് വിവാഹ ദിവസം എനിക്ക് സാരിയും ബ്ലൗസും അണിയാന് സഹായികളെ അയള് ചുമതലപ്പെടുത്തി. അതിന് ശേഷം മെയ്ക്കപ്പ് ചെയ്യാനായി റൂമിലേക്ക് കൈാണ്ടു പോയി. സ്തനങ്ങള്ക്കിടയിലുള്ള ഭാഗത്ത് മെയ്ക്കപ്പ് ചെയ്യുന്നതിനിടെ അയാള് എന്റെ സ്തനങ്ങളില് അമര്ത്തി. അതിന് ശേഷം പിടിച്ച് മുന്നോട്ട് വലിച്ചു.
എല്ലാം നിമിഷ നേരം കൊണ്ട് അയാള് ചെയ്തു. അതിന് ശേഷം മെയ്ക്കപ്പ് അവസാനിച്ചു എന്ന് പറയുകയും ചെയ്തു. അതിന് ശേഷം ചെവിയില് പറഞ്ഞ രഹസ്യവും ഞെട്ടിച്ചു. ടവല് മാറ്റിയാല് വയറിലും മെയ്ക്കപ്പ് ചെയ്തു തരാമെന്നായിരുന്നു അയാള് പറഞ്ഞത്. അപ്പോള് ഒരണ്ണം കൊടുക്കണമെന്ന് മനസ്സു പറഞ്ഞു. പക്ഷേ ചെയ്തില്ല. അടി കൊടുത്താല് അയാള് മെയ്ക്കപ്പ് പൂര്ത്തിയാക്കാതെ പ്രശ്നമുണ്ടാക്കി വിവാഹം അലങ്കോലപ്പെടുമോ എന്നതായിരുന്നു ഭയം. 31,000 രൂപയാണ് മെയ്ക്കപ്പിന് വേണ്ടി അയാള്ക്ക് നല്കിയത്.
ഫോണിലൂടെ ബന്ധപ്പെട്ടാല് കൂടുതല് വിവരങ്ങള് നല്കാം. മെയിലിലൂടെ അത് വെളിപ്പെടുത്തുന്നതില് ബുദ്ധിമുട്ടുണ്ടെന്നും പരാതിക്കാരി പറയുന്നു. ഓസ്ട്രേലിയയിലാണ് താനുള്ളതെന്നും വ്യക്തമാക്കുന്നുണ്ട്.യുവതി കമ്മീഷണര്ക്കാണ് പരാതി നല്കിയത്. എന്നാല്, പരാതി സൈന്ഡ് കോപ്പി അല്ലാത്തെ മെയിലുകളില് അയക്കുന്നതിന്റെ അടിസ്ഥാനത്തില് കേസെടുക്കാന് ആകില്ലെന്നാണ് പൊലീസിന്റെ ഇപ്പോഴത്തെ നിലപാട്.
എറണാകുളം ചക്കരപ്പറമ്പ് സ്വദേശിയായ മേക്കപ്പ് ആര്ട്ടിസ്റ്റിനെതിരെ മൂന്ന് യുവതികളാണ് നേരത്തെ സിറ്റി പൊലീസ് കമ്മീഷണര്ക്ക് പരാതി അയച്ചത്. കല്യാണ മേക്കപ്പിനിടെ പീഡിപ്പിച്ചെന്നുകാട്ടിയാണ് പരാതി. ഒരാഴ്ചമുമ്ബ് യുവതികള് മീടു പോസ്റ്റ് ഇട്ടതിന് പിന്നാലെയാണ് പൊലീസില് പരാതി നല്കിയത്.
https://www.facebook.com/Malayalivartha
