തെളിവുകൾ നശിപ്പിച്ച് നൈസായി മുങ്ങാമെന്നുവെച്ചു, ദിലീപിന് അന്വേഷണ സംഘത്തിന്റെ ഇരുട്ടടി, കേസില് ഏറ്റവും സുപ്രധാനമായ150 ഡിജിറ്റല് തെളിവുകള് നശിപ്പിച്ചു, ഫോറന്സിക് ലാബില് നടത്തിയ ശാസ്ത്രീയ പരിശോധനയില് എല്ലാം വ്യക്തം, ദിലീപിന്റെ ജാമ്യം റദ്ദാക്കണമെന്ന ആവശ്യം ഉയർത്തി അന്വേഷണ സംഘം കോടതിയിലേക്ക്...!
നടിയെ ആക്രമിച്ച കേസില് ദിലീപിന്റെ ജാമ്യം റദ്ദാക്കണമെന്ന ആവശ്യം ഉയർത്തി കോടതിയെ സമീപിക്കാനൊരുങ്ങി അന്വേഷണ സംഘം. ഹൈക്കോടതിയിലും ആലുവ കോടതിയിലും വ്യത്യസ്ത ഹർജികള് നല്കാനാണ് തീരുമാനം. കേസില് ഏറ്റവും സുപ്രധാനമായ150 ഡിജിറ്റല് തെളിവുകള് ദിലീപ് നശിപ്പിച്ചെന്നാണ് ഫോറന്സിക് ലാബില് നടത്തിയ ശാസ്ത്രീയ പരിശോധനയില് നിന്നും കണ്ടെത്തിയത്.
അഭിഭാഷകരുടെ സഹായത്തോടെ സാക്ഷികളെ സ്വാധീനിച്ചു, കേസിലെ തെളിവ് നശിപ്പിക്കാന് ശ്രമിച്ചു തുടങ്ങിയ കണ്ടെത്തലിന്റെ അടിസ്ഥാനത്തിലാണ് ജാമ്യം റദ്ദാക്കണമെന്ന ആവശ്യം ഉയര്ത്തുക.ക്രൈംബ്രാഞ്ച് മേധാവി ശ്രീജിത്താണ് അന്വേഷണത്തിന് മേല്നോട്ടം വഹിക്കുന്നത്.അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയ കേസിലും ജാമ്യം റദ്ദാക്കണമെന്ന് ആവശ്യപ്പെട്ടാണ് ആലുവകോടതിയെ സമീപിക്കാമൊരുങ്ങുന്നത്.
അന്വേഷണ ഉദ്യോഗസ്ഥരെ വധിക്കാന് ഗൂഡാലോചന നടത്തിയെന്ന കേസേ അട്ടിമറിക്കാന് ദിലീപ് ശ്രമിച്ചെന്നതിന്റെ കൂടുതല് വിവരങ്ങള് പുറത്ത് വന്നിരുന്നു .ദിലീപിന്റെ ഒരു ഫോണിലെ 12 നമ്പരിലേക്കുള്ള വാട്ട്സ് ആപ്പ് ചാറ്റുകളാണ് നശിപ്പിച്ചെന്ന് ക്രൈംബ്രാഞ്ച് കണ്ടെത്തിയിരുന്നു. കേസുമായി ബന്ധപ്പെട്ട നിര്ണായക വ്യക്തികളാണിവര്. നശിപ്പിച്ച ചറ്റുകള് വീണ്ടെടുക്കാന് ഫൊറന്സിക് സയന്സ് ലാബിന്റെ സഹായം ക്രൈം ബ്രാഞ്ച് തേടിയിട്ടുണ്ട്.
ഫോറന്സിക് റിപ്പോര്ട്ട് രണ്ട് ദിവസത്തിനകം ലഭിക്കുമെന്നാണ് കരുതുന്നത്. ജനുവരി 30ന് ഉച്ചയ്ക്ക് 1.36നും 2.32നും ഇടയ്ക്കാണ് ചാറ്റുകള് നശിപ്പിച്ചിരിക്കുന്നത് കോടതയിലി്ല് സമര്പ്പിച്ച റിപ്പോര്ട്ടില് വ്യക്തമാക്കുന്നു.കേസിലെ നിർണ്ണായക തെളിവുകൾ ക്രൈംബ്രാഞ്ച് കണ്ടെത്തിയിരുന്നു. മൊബൈൽ ഫോണുകളിലെ തെളിവുകൾ മുംബൈയിലെ ലാബിൽ വെച്ച് നശിപ്പിച്ചതിന്റെ മിറർ കോപ്പി ക്രൈം ബ്രാഞ്ച് കണ്ടെത്തിയിരുന്നു.
കോടതിക്ക് കൈമാറും മുമ്പ് ദിലീപ് അടക്കമുള്ള പ്രതികളുടെ ഫോണുകൾ മുംബെയിലെ ലാബിൽ വെച്ച് നശിപ്പിച്ചെന്ന ഫൊറൻസിക് പരിശോധനാ റിപ്പോർട്ട് ക്രൈം ബ്രാഞ്ച് കോടതിയെ അറിയിച്ചിരുന്നു.പ്രതികളുടെ അഭിഭാഷകരും ചേർന്ന് തെളിവുകൾ നശിപ്പിച്ചതിന്റെ കൂടുതൽ വിവരങ്ങൾ ക്രൈം ബ്രാഞ്ചിന് കിട്ടിയത്. മുംബൈയിലെ ലാബ് സിസ്റ്റം ഇന്ത്യാ ലിമിറ്റഡിൽ നിന്നും ഫോണിലെ വിവരങ്ങൾ മറ്റൊരു ഹാർഡ് ഡിസ്കിലേക്ക് പകർത്തി. ഒരോ ഫയലും പരിശോധിച്ച് തെളിവുകൾ നശിപ്പിക്കുകയായിരുന്നു.
ഈ ഹാർഡ് ഡിസ്കിന്റെ മിറർ കോപ്പി ക്രൈംബ്രാഞ്ച് ശേഖരിച്ചു. ലാബ് സ്വന്തം നിലയിൽ തയ്യാറാക്കിയ ഫോണുകളുടെ ഫോറൻസിക് പരിശോധന റിപ്പോർട്ടും ശേഖരിച്ചു. കൊച്ചിയിൽ നിന്ന് കൊറിയർ വഴിയാണ് ലാബിലേക്ക് ഫോണുകൾ അയച്ചത്. ഇതിന്റെ രസീതും ലാബിൽ നിന്ന് കിട്ടിയിട്ടുണ്ട്. 29, 30 തീയ്യതികളിലായിരുന്നു ഇത്തരത്തില് ഫോണിലെ ഡേറ്റകൾ നശിപ്പിക്കപ്പെട്ടതെന്ന് തിരുവനന്തപുരം ഫോറന്സിക് ലാബില് നടത്തിയ പരിശോധനകളില് വ്യക്തമായിട്ടുണ്ട്.
https://www.facebook.com/Malayalivartha
