അങ്ങനെ രണ്ടാം ടെസ്റ്റിലെ രണ്ടു ഇന്നിംഗ്സിലും (23, 13) മാത്രം നേടിയ കോഹ്ലി ജി ടെസ്റ്റ് ആവറേജ് ആദ്യമായി 50 ന് താഴെയായി. കോഹ്ലി ജിയുടെ ആരാധകർ ക്ഷമിക്കുക . ചിലത് പറയാനുണ്ട്. തന്റെ ക്രിക്കറ്റ് നിരീക്ഷണം പങ്കു വച്ച് സന്തോഷ് പണ്ഡിറ്റ്. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; പണ്ഡിറ്റിൻ്റെ ക്രിക്കറ്റ് നിരീക്ഷണം.

കോഹ്ലി ജിയുടെ ആരാധകർ ക്ഷമിക്കുക . ചിലത് പറയാനുണ്ട്. അങ്ങനെ രണ്ടാം ടെസ്റ്റിലെ രണ്ടു ഇന്നിംഗ്സിലും (23, 13) മാത്രം നേടിയ കോഹ്ലി ജി ടെസ്റ്റ് ആവറേജ് ആദ്യമായി 50 ന് താഴെയായി . അവസാന 72 ഇന്നിംഗ്സിൽ സെഞ്ച്വറി ഇല്ല. ഏതാണ്ട് മൂന്നു വർഷമായി മൂന്നക്കം കണ്ടിട്ട് . പണ്ട് റൺ മെഷീൻ ഒക്കെ ആയിരുന്നു . സാക്ഷാൽ ക്രിക്കറ്റ് ദൈവം സച്ചിൻ ജിയുടെ ഒക്കെ റെക്കോർഡ്സ് തകർക്കും എന്നൊക്കെ ആരൊക്കെയോ പറഞ്ഞു . എന്നിട്ടോ ?

പൂജാര ജി, രഹാനെ ജി ഒക്കെ ഫോം ഔട്ട് ആയപ്പോൾ രഞ്ജി ട്രോഫിയിൽ കളിച്ച് ഫോം വീണ്ടെടുക്കുവാൻ പറഞ്ഞു . ഈ നിയമം കോഹ്ലി ജിക്കും ബാധകമല്ലെ ? സംശയമാണ് .. അടുത്ത ചില ടെസ്റ്റിൽ ഇദ്ദേഹത്തിന് വിശ്രമം കൊടുക്കണം എന്നാണ് എൻ്റെ അഭിപ്രായം. മറുവശത്ത് ശ്രേയസ് അയ്യർ ജിയുടെ ഒക്കെ കളി കാണണം . ആറാമനായി ഇറങ്ങിയിട്ട് കിടിലൻ കളിയാണ് . 92,67 ഒക്കെ വാലറ്റക്കാരെ കൂട്ട് പിടിച്ചു പുഷ്പം പോലെ നേടുന്നു . ഓൾ ദി ബെസ്റ്റ് ഡിയർ ..

പന്ത് ജിയും വേറെ ലെവലാണ്. വെറും 28 പന്തിൽ നിന്നാണ് ഹാഫ് നേടിയത് . രോഹിത് ജിയും കുറച്ചായി വലിയ ഇന്നിംഗ്സ് കളിക്കുന്നില്ല . സ്ഥിരമായി മികച്ച രീതിയിൽ തുടങ്ങുന്നു. ഉടനെ വലിയ ഇന്നിംഗ്സ് സംഭവിക്കും എന്ന് കരുതാം ..

പൃഥ്വി ഷാ ജി, സൂര്യ കുമാർ യാദവ് ജിയോക്കെ അവസരത്തിനായി കാത്തിരിക്കുകയാണ് എന്ന് എല്ലാവരും ഓർക്കുക. രണ്ടാം ടെസ്റ്റ് ഇന്നത്തോടെ അവസാനിക്കും എന്നും ഇന്ത്യ ഒരു കൂറ്റൻ ജയം നേടും എന്നും കരുതാം . ആദ്യ ഇന്നിംഗ്സ് 5 വിക്കെറ്റ് എടുത്ത ബുമ്ര ജി യും മറ്റുള്ള ബൗളേഴ്‌സ് പൊളിക്കും എന്ന് കരുതുന്നു.