അറിവാണ് പ്രധാനം. അറിവ് തേടിയുള്ള അന്വേഷണമാണ് നമ്മുടെ ജീവിതം. പഠനത്തിന് പ്രായം ഒരു പ്രശ്നമല്ല. രാഷ്ട്രീയ പ്രവർത്തകർ ഏറ്റവും നല്ല രീതിയിൽ ആശയ വിനിമയം നടത്തുന്നവരാകണം. ഒരു മണിക്കൂർ പ്രസംഗിച്ചാൽ സാധിക്കാത്ത ആശയ വിനിമയം ചിലപ്പോൾ ഒരു വാക്ക് കൊണ്ട് നടത്താനാകുമെന്ന് പ്രതിപക്ഷ നേതാവ് വി ഡി സതീശൻ.

അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ; എറണാകുളം DCC ഓഫീസിൽ സജ്ജീകരിച്ച സബർമതി പഠന ഗവേഷണ കേന്ദ്രം ( പോൾ പി.മാണി മെമ്മോറിയൽ ലൈബ്രറി ) ഉദ്ഘാടന ചടങ്ങിൽ പങ്കെടുത്തു. അറിവാണ് പ്രധാനം.

അറിവ് തേടിയുള്ള അന്വേഷണമാണ് നമ്മുടെ ജീവിതം. പഠനത്തിന് പ്രായം ഒരു പ്രശ്നമല്ല. രാഷ്ട്രീയ പ്രവർത്തകർ ഏറ്റവും നല്ല രീതിയിൽ ആശയ വിനിമയം നടത്തുന്നവരാകണം. ഒരു മണിക്കൂർ പ്രസംഗിച്ചാൽ സാധിക്കാത്ത ആശയ വിനിമയം ചിലപ്പോൾ ഒരു വാക്ക് കൊണ്ട് നടത്താനാകും.

മഹാത്മാ ഗാന്ധി തുടങ്ങിയുള്ള നേതാക്കൾ അറിവ് തേടി നടത്തിയ യാത്രയാണ് കോൺഗ്രസ് പ്രസ്ഥാനത്തിന്റെ അടിത്തറയായത്. ആ പൈതൃകത്തിൽ നിന്ന് നമ്മൾ വിട്ടു മാറില്ല. വിജയങ്ങളെ ശരിയായി വിലയിരുത്തുക, പരാജയത്തിൽ നിന്ന് പാഠം പഠിക്കുക. ആ ത്രിവർണ പതാക നെഞ്ചോട് ചേർക്കുക.