കൊച്ചിയില്‍ നടി ആക്രമിക്കപ്പെട്ട കേസിലെ അന്വേഷണ ഉദ്യോഗസ്ഥരെ വകവരുത്താന്‍ ഗൂഢാലോചന നടത്തിയ കേസ് പുതിയ വഴിത്തിരിവിലേയ്ക്ക്. ദിലീപിന്റെ ജാമ്യം റദ്ദാക്കാന്‍ കോടതിയെ സമീപിക്കാനൊരുങ്ങുകയാണ് അന്വേഷണ സംഘമെന്നാണ് സൂചന. കേസില്‍ ഏറ്റവും നിര്‍ണായകമായ വിവരങ്ങള്‍ ഫോണില്‍ നിന്നും ഡിലീറ്റ് ചെയ്തതായി ഫോറന്‍സിക് പരിശോധനയില്‍ കണ്ടെത്തിയതിന്റെ അടിസ്ഥാനത്തിലാണ് നടപടി. ദിലീപും കൂട്ടരും ഫോണില്‍ നിന്നും നശിപ്പിച്ച വിവരങ്ങള്‍ വീണ്ടെടുക്കാന്‍ കേന്ദ്ര അന്വേഷണ ഏജന്‍സി സൈബര്‍ വിദഗ്ദരുടെ സഹായം അന്വേഷണ സംഘം തേടുമെന്നും വിവരങ്ങള്‍ പുറത്ത് വരികയാണ്.

ദിലീപിന്റെ ഒരു ഫോണില്‍ നിന്നും 12 നമ്പറിലേക്കുള്ള 12 ചാറ്റുകള്‍ നശിപ്പിച്ചതായാണ് കണ്ടെത്തല്‍.വാട്സ് ആപ്പ് ചാറ്റുകളാണ് ഇത്തരത്തില്‍ ഡിലീറ്റ് ചെയ്തിരിക്കുന്നത്.

ഡിലീറ്റ് ചെയ്ത കാര്യങ്ങള്‍ ഏത് വിധേനയും കണ്ടെത്താനാണ് അന്വേഷണ സംഘത്തിന്റെ നീക്കം. ഇതിനായി കേന്ദ്ര അന്വേഷണ ഏജന്‍സികളെ സമീപിക്കും. മായ്ച്ചുകളഞ്ഞ ഡാറ്റ വീണ്ടെടുക്കാനുള്ള അത്യാധുനിക സോഫ്റ്റ്വവെയറുകള്‍ എന്‍ ഐ എയുടെ പക്കലുണ്ട്.

ദേശവിരുദ്ധ സ്വഭാവമുള്ള യുഎപിഎ കേസുകളില്‍ ഫൊറന്‍സിക് അന്വേഷണം നടത്താന്‍ കേരള പോലീസ് സാധാരണ എന്‍ ഐ എ ഉള്‍പ്പെടെയുള്ള അന്വേഷണ സംഘത്തിന്റെ സഹായം തേടാറുണ്ട്. അത്യാധുനിക സോഫ്റ്റ്വെയറുകളുടെ സഹായത്തോടെ വിവരങ്ങള്‍ കണ്ടെടുക്കാന്‍ സാധിക്കുമെന്നാണ് അന്വേഷണ സംഘത്തിന്റെ പ്രതീക്ഷ. അതിനിടെ

അന്വേഷണ ഉഗ്യോഗസ്ഥരെ വധിക്കാന്‍ ഗൂഡാലോചന നടത്തിയെന്ന കേസല്ല, നടി ആക്രമിക്കപ്പെട്ട കേസാണ് പ്രധാനമായും തെളിയേണ്ടതെന്ന് ആവര്‍ത്തിച്ച് നിരവധി പേര്‍ സിനിമാമേഖലയില്‍ നിന്ന് രംഗത്തെത്തി. സംവിധായകന്‍ ബൈജു കൊട്ടാരക്കരയടക്കമുള്ളവര്‍ ഈ വിഷയം വീണ്ടും ആവര്‍ത്തിച്ച് ചാനല്‍ ചര്‍്ച്ചകളിലൂടെ രംഗത്ത് വന്നിരുന്നു.