കോൺഗ്രസ് നേതാവും പഞ്ചാബ് മുഖ്യമന്ത്രിയുമായിരുന്ന ചരൺജിത് സിംഗ് ഛന്നിയെ ബദർ മണ്ഡലത്തിൽ 37550 വോട്ടുകൾക്ക് തറപറ്റിച്ച അം ആദ്മി പാർട്ടിയുടെ ഒരു സാദാ മൊബൈൽ ഷോപ്പ് ജീവനക്കാരനായ എം.എൽ.എ ലാഭ് സിംഗ് ഉകുകേവിൻ്റെ അമ്മയും സർക്കാർ സ്കൂളിലെ തൂപ്പുകാരിയായ ബൽദേവ്കൗർ ൻ്റെ വാക്കുകൾ ചൂണ്ടിക്കാട്ടി ഡോ .അരുൺകുമാർ. അദ്ദേഹം ഫേസ്ബുക്കിൽ പങ്കു വച്ച വാക്കുകൾ ഇങ്ങനെ;

മകൻ ഇപ്പോൾ വലിയ നിലയിലെത്തി. പക്ഷെ ഞാൻ എൻ്റെ ജോലി തുടരും. ചൂല് എൻ്റെ ജീവിതത്തിൻ്റെ ഭാഗമാണ് " കോൺഗ്രസ് നേതാവും പഞ്ചാബ് മുഖ്യമന്ത്രിയുമായിരുന്ന ചരൺജിത് സിംഗ് ഛന്നിയെ ബദർ മണ്ഡലത്തിൽ 37550 വോട്ടുകൾക്ക് തറപറ്റിച്ച അം ആദ്മി പാർട്ടിയുടെ ഒരു സാദാ മൊബൈൽ ഷോപ്പ് ജീവനക്കാരനായ എം.എൽ.എ ലാഭ് സിംഗ് ഉകുകേവിൻ്റെ അമ്മയും സർക്കാർ സ്കൂളിലെ തൂപ്പുകാരിയായ ബൽദേവ്കൗർ ൻ്റെ വാക്കുകളാണ്.

ഒരു പൊളിറ്റിക്കൽ തീയേറ്റർ സ്ക്രിപ്റ്റ് എന്നതിനുമപ്പുറം ഇന്ത്യയിൽ ജനങ്ങളുമായി കണക്ട് ചെയ്യാനുള്ള ഒരു നരേറ്റിവായി തന്നെ വേണം കാണാൻ. ചായ വാലയുടെ നരേറ്റീവിന് ചൂലിൻ്റെ കൗണ്ടർ നരേറ്റീവാണ്. എം.ജി. ആറിന് കഴിയാഞ്ഞത്, എൻ.ടി. ആറിന് കഴിയാഞ്ഞത്. മുലായത്തിന് കഴിയാഞ്ഞത്,  അബ്ദുള്ളയ്ക്ക് കഴിയാഞ്ഞത്, 

ലാലുവിനും പട്നായിക്കിനും കഴിയാഞ്ഞത്  കെജ്രിവാളിന് കഴിഞ്ഞത് (രണ്ടു സംസ്ഥാനങ്ങളിലെ ഭരണം ) ഈ നരേറ്റീവും ക്ഷേമരാഷ്ട്ര സങ്കൽപവും ഹനുമാൻ മന്ദിർ മൃദു ഹിന്ദുത്വവും കൃത്യമായി പ്രതിഫലിപ്പിച്ചതുകൊണ്ട് കൂടിയാണ്. ഈ മൃദു ഹിന്ദുത്വ - അം ആദ്മി - ക്ഷേമരാഷട്രീയം പാൻ ഇന്ത്യൻ നരേറ്റീവ് ആകുമോ എന്നതാണ് കണ്ടറിയേണ്ടത്.