നിമിഷപ്രിയയെ രക്ഷിക്കുന്നതിനായി എല്ലാ ശ്രമങ്ങളും നടത്തുമെന്നു കേന്ദ്രമന്ത്രി വി.മുരളീധരന്
യെമന് പൗരനെ കൊലപ്പെടുത്തിയ കേസില് വധശിക്ഷയ്ക്കു വിധിക്കപ്പെട്ട് വിദേശത്ത് ജയിലില് കഴിയുന്ന പാലക്കാട് സ്വദേശിനി നിമിഷപ്രിയയെ രക്ഷിക്കുന്നതിനായി കേന്ദ്രസര്ക്കാര് എല്ലാ ശ്രമങ്ങളും നടത്തുമെന്ന് കേന്ദ്രമന്ത്രി വി.മുരളീധരന്.
നിമിഷപ്രിയയുടെ മോചനത്തിനു കേന്ദ്ര സര്ക്കാരിന്റെ ഇടപെടല് ആവശ്യപ്പെട്ട് സേവ് നിമിഷപ്രിയ ഇന്റര്നാഷനല് ആക്ഷന് കൗണ്സില് വൈസ് ചെയര്പേഴ്സന് ദീപ ജോസഫ് മന്ത്രിക്കു നിവേദനം നല്കി. പാര്ലമെന്റ് ഹൗസിലെ ഓഫീസിലെത്തിയാണ് ആക്ഷന് കൗണ്സില് മന്ത്രിയുമായി ചര്ച്ച നടത്തിയത്. നിമിഷപ്രിയയെ രക്ഷിക്കാന് എല്ലാ സഹായങ്ങളും നല്കാന് തയ്യാറാണെന്ന് മുരളീധരന് അറിയിച്ചു.
കൊല്ലപ്പെട്ടയാളുടെ കുടുംബത്തിന് ദയാധനം നല്കി നിമിഷപ്രിയയുടെ മോചനം സാദ്ധ്യമാക്കുന്നതിനാണ് പ്രധാന പരിഗണന . ഇതിനായുള്ള ചര്ച്ചകള്ക്ക് ജിബൂട്ടിയിലെ ഇന്ത്യന് എംബസിയും അംബാസഡറും മുന്കൈ എടുക്കണമെന്നും ആക്ഷന് കൗണ്സില് അഭ്യര്ത്ഥിച്ചു .
നിമിഷപ്രിയയുടെ വധശിക്ഷ ഒഴിവാക്കുന്നതിന് യെമന് പൗരന്റെ ബന്ധുക്കള്ക്ക് നല്കേണ്ട ദയാധനം എംബസി വഴി കൈമാറണമെന്നും ആവശ്യമുണ്ട് . യെമന് പൗരന് തലാല് അബ്ദു മഹദിയെ കൊലപ്പെടുത്തിയ കേസിലാണ് പാലക്കാട് സ്വദേശിനിയായ നിമിഷപ്രിയ ജയിലിലായത്. വധശിക്ഷയ്ക്ക് എതിരെ നിമിഷപ്രിയയുടെ കുടുംബം നല്കിയ അപ്പീലാണ് കോടതി തള്ളിയത്.
https://www.facebook.com/Malayalivartha
