അകത്തിട്ടേ അടങ്ങൂ... കണ്ണിലുണ്ണിയായ പിസി ജോര്‍ജിനെതിരെ പരാതിക്കാരി രംഗത്തെത്തിയതോടെ എല്ലാം മാറി മറിഞ്ഞു; തന്ത്രങ്ങള്‍ ഫലിക്കാതെ പിസി ജോര്‍ജ് ഈസിയായി പുറത്തിറങ്ങി; പിസി ജോര്‍ജിന്റെ ജാമ്യം റദ്ദാക്കാനായി പരാതിക്കാരിയുടെ നിര്‍ണായക നീക്കം
പിസി ജോര്‍ജിനെ കുറച്ച് ദിവസമെങ്കിലും അകത്തിടാനാകുമെന്നാണ് പോലീസും പരാതിക്കാരിയും വിചാരിച്ചത്. പിസി ജോര്‍ജിന്റെ കുടുംബവും അത് വിശ്വസിച്ച് പോയി. അതുകൊണ്ടാണ് പിസി ജോര്‍ജിന്റെ ഭാര്യ പോലും അയാളെ വെടിവച്ച് കൊല്ലുമെന്ന് പറഞ്ഞത്. എന്നാല്‍ എല്ലാം വളരെ പെട്ടെന്ന് മാറി മറിഞ്ഞു. കോടതി പോലും പരാതിക്കാരിയുടെ വിശ്വാസ്യതയില്‍ സംശയം പ്രകടിപ്പിച്ചു.
എന്നാല്‍ പിസി ജോര്‍ജിന് പീഡന പരാതിയില്‍ ജാമ്യം അനുവദിച്ചതിനെതിരെ പരാതിക്കാരി ഹൈക്കോടതിയെ സമീപിച്ചു. കഴിഞ്ഞ ദിവസം പിസി ജോര്‍ജിനെ അറസ്റ്റ് ചെയ്‌തെങ്കിലും ജാമ്യത്തില്‍ വിട്ടിരുന്നു. തന്റെ ഭാഗം കേള്‍ക്കാതെയാണ് പിസി ജോര്‍ജിന് ജാമ്യം അനുവദിച്ചതെന്നാണ് പരാതിക്കാരിയുടെ വാദം. പിസി ജോര്‍ജിനെതിരെ പ്രധാനപ്പെട്ട വകുപ്പുകള്‍ ചുമത്തിയില്ല.
ജാമ്യം ലഭിച്ചതിന് ശേഷം പരാതിക്കാരിയെ സ്വാധീനിക്കാന്‍ ശ്രമിച്ചുവെന്നും പരാതിയില്‍ പറയുന്നു. തിരുവനന്തപുരം മ്യൂസിയം പൊലീസ് എസ് എച്ച് ഒക്കെതിരെയാണ് ആരോപണം. പി സി ജോര്‍ജിനെതിരെ പീഡന പരാതി നല്‍കാന്‍ വൈകിയതില്‍ ദുരൂഹതയെന്ന് കോടതി ഇന്ന് നിരീക്ഷിച്ചു. ജോര്‍ജിന് ജാമ്യം അനുവദിച്ച ഉത്തരവിലാണ് കേസിന്റെ വിശ്വാസ്യതയില്‍ കോടതി സംശയം പ്രകടിപ്പിച്ചത്.
പരാതി നല്‍കാന്‍ വൈകിയതില്‍ ദുരൂഹതയുണ്ട്. പരാതി നല്‍കാന്‍ 5 മാസം വൈകിയതിന് കൃത്യമായ കാരണം ബോധിപ്പിക്കാനായിട്ടില്ലെന്നും ജാമ്യം അനുവദിച്ച് കൊണ്ടുള്ള ഉത്തരവില്‍ കോടതി ചൂണ്ടിക്കാട്ടുന്നു. ഇത്തരം നിയമ നടപടികളെ കുറിച്ച് ധാരണയുള്ളയാളാണ് പരാതിക്കാരി. പി.സി.ജോര്‍ജിനെ അറസ്റ്റ് ചെയ്യുന്ന വേളയില്‍ സുപ്രീംകോടതി മാനദണ്ഡങ്ങള്‍ പാലിച്ചില്ല എന്നും കോടതി നിരീക്ഷിച്ചു. പരാതിയെ കുറിച്ച് അന്വേഷിക്കണമെന്ന സുപ്രീംകോടതി നിര്‍ദേശം ഇവിടെ പാലിക്കപ്പെട്ടിട്ടില്ല എന്നും കോടതി വ്യക്തമാക്കി. വഞ്ചിയൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ ഉത്തരവിലാണ് നിരീക്ഷണം.
സോളാര്‍ തട്ടിപ്പ് കേസ് പ്രതി നല്‍കിയ പീഡന പരാതിയില്‍ ശനിയാഴ്ചയാണ് പി.സി.ജോര്‍ജിനെ അറസ്റ്റ് ചെയ്തത്. തൈക്കാട് ഗസ്റ്റ് ഹൗസില്‍ വച്ച് ലൈംഗിക താല്‍പര്യത്തോടെ തന്നെ കടന്നുപിടിക്കുകയും അശ്ലീല സന്ദേശങ്ങള്‍ അയക്കുകയും ചെയ്‌തെന്നായിരുന്നു പരാതി. മുഖ്യമന്ത്രിക്കെതിരായ ഗൂഢാലോചന കേസില്‍ ചോദ്യം ചെയ്യാനായി ക്രൈം ബ്രാഞ്ച് ജോര്‍ജിനെ വിളിച്ച് വരുത്തിയിരുന്നു. ഈ ചോദ്യം ചെയ്യല്‍ പൂര്‍ത്തിയായതിന് പിന്നാലെയാണ് മ്യൂസിയം പൊലീസ് പി.സി.ജോര്‍ജിനെ അറസ്റ്റ് ചെയ്തത്.
പി.സി.ജോര്‍ജിനെതിരെ പീഡന പരാതി നല്‍കാന്‍ വൈകിയതില്‍ കോടതി സംശയം പ്രകടിപ്പിച്ചു. വഞ്ചിയൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ ഉത്തരവിലാണ് നിരീക്ഷണം. ജോര്‍ജിന് ജാമ്യം അനുവദിച്ച ഉത്തരവിലാണ് കേസിന്റെ വിശ്വാസ്യതയില്‍ കോടതി സംശയം പ്രകടിപ്പിച്ചത്. പരാതി നല്‍കാന്‍ വൈകിയതില്‍ ദുരൂഹതയുണ്ട്. പരാതി നല്‍കാന്‍ മാസങ്ങളോളം വൈകിയതിന് കൃത്യമായ കാരണം ബോധിപ്പിക്കാനായിട്ടില്ലെന്നും ജാമ്യം അനുവദിച്ച് കൊണ്ടുള്ള ഉത്തരവില്‍ കോടതി ചൂണ്ടിക്കാട്ടുന്നു.
ഇത്തരം നിയമ നടപടികളെ കുറിച്ച് ധാരണയുള്ളയാളാണ് പരാതിക്കാരി. പി.സി.ജോര്‍ജിനെ അറസ്റ്റ് ചെയ്യുന്ന വേളയില്‍ സുപ്രീംകോടതി മാനദണ്ഡങ്ങള്‍ പാലിച്ചില്ല എന്നും കോടതി നിരീക്ഷിച്ചു. പരാതിയെ കുറിച്ച് അന്വേഷിക്കണമെന്ന സുപ്രീംകോടതി നിര്‍ദേശം ഇവിടെ പാലിക്കപ്പെട്ടിട്ടില്ല എന്നും കോടതി വ്യക്തമാക്കി.
സോളാര്‍ തട്ടിപ്പ് കേസ് പ്രതി നല്‍കിയ പീഡന പരാതിയില്‍ ശനിയാഴ്ചയാണ് പി.സി.ജോര്‍ജിനെ അറസ്റ്റ് ചെയ്തത്. തൈക്കാട് ഗസ്റ്റ് ഹൗസില്‍ വച്ച് ലൈംഗിക താല്‍പര്യത്തോടെ തന്നെ കടന്നുപിടിക്കുകയും അശ്ലീല സന്ദേശങ്ങള്‍ അയക്കുകയും ചെയ്‌തെന്നായിരുന്നു പരാതി. മുഖ്യമന്ത്രിക്കെതിരായ ഗൂഢാലോചന കേസില്‍ ചോദ്യം ചെയ്യാനായി ക്രൈം ബ്രാഞ്ച് ജോര്‍ജിനെ വിളിച്ച് വരുത്തിയിരുന്നു. ഈ ചോദ്യം ചെയ്യല്‍ പൂര്‍ത്തിയായതിന് പിന്നാലെയാണ് മ്യൂസിയം പൊലീസ് പി.സി.ജോര്‍ജിനെ അറസ്റ്റ് ചെയ്തത്.
https://www.facebook.com/Malayalivartha
