മൂകയായ ഭിന്നശേഷിക്കാരിയെ പീഡിപ്പിക്കാന്‍ ശ്രമിച്ച കേസ്.. ഝാര്‍ഖണ്ഡ് സ്വദേശി ചന്ദന്‍ കുമാറിനെതിരെ പോലീസ് കുറ്റപത്രം,പ്രതി ചന്ദന്‍ കുമാര്‍ വീട്ടുവളപ്പില്‍ അതിക്രമിച്ചു കടന്നാണ് പീഡനശ്രമം നടത്തിയത്, തുമ്പുണ്ടാക്കിയത് പ്രതിയുടെ കൈയ്യില്‍ നിന്നും വീണ ബാഗ് , 15 മണിക്കൂറോളം നീണ്ട തിരച്ചിലിലാണ് പ്രതി പിടിയിലായത്


മാനസിക വെല്ലുവിളി നേരിടുന്ന സംസാര ശേഷിയില്ലാത്ത ഭിന്നശേഷിക്കാരിയെ പീഡിപ്പിക്കാന്‍ ശ്രമിച്ച കേസില്‍
ഝാര്‍ഖണ്ഡ് സ്വദേശി ചന്ദന്‍ കുമാറിനെതിരെ പോലീസ് കുറ്റപത്രം സമര്‍പ്പിച്ചു. തിരുവനന്തപുരം അഡീ. ചീഫ് ജുഡീഷ്യല്‍ മജിസ്‌ട്രേട്ട് കോടതിയിലാണ് സിറ്റി മെഡിക്കല്‍ കോളേജ് പോലീസ് കുറ്റപത്രം സമര്‍പ്പിച്ചത്.

ത്സാര്‍ഖണ്ഡ് സഹേബ് ഗഞ്ച് ജില്ലയില്‍ തീന്‍ പഹാറില്‍ നിന്നും ഗൗരീശപട്ടത്തെ അന്യസംസ്ഥാന തൊഴിലാളികളുടെ ലേബര്‍ ക്യാമ്പില്‍ താമസിക്കുന്ന ചന്ദന്‍ കുമാറിനെ (28) ഏക പ്രതിയായി ചേര്‍ത്താണ് പോലീസിന്റെ കുറ്റപത്രം.


പ്രതി ചന്ദന്‍ കുമാര്‍ പെണ്‍കുട്ടിയുടെ വീട്ടു വളപ്പില്‍ അതിക്രമിച്ചു കടന്നാണ് പീഡനശ്രമം നടത്തിയത്. പ്രതിയുടെ കൈയ്യില്‍ നിന്നും വീണ ബാഗ് ആണ് കേസിന് തുമ്പുണ്ടാക്കിയത്.15 മണിക്കൂറോളം നീണ്ട തിരച്ചിലിലാണ് പ്രതി പിടിയിലായത്. 1,500 ഓളം അന്യസംസ്ഥാന തൊഴിലാളികളുടെ ലേബര്‍ ക്യാമ്പുകള്‍ പോലീസ് അരിച്ചു പെറുക്കിയിരുന്നു. 2022 ഫെബ്രുവരി 28 നാണ് സംഭവം നടന്നത്. ഉച്ചയ്ക്ക് പെണ്‍കുട്ടിയും കുടുംബവും വാടകക്ക് താമസിക്കുന്ന വീട്ടിന്റെ മതില്‍ ചാടി അതിക്രമിച്ചു കയറി പെണ്‍കുട്ടിയെ വീടിന്റെ പിന്‍വശത്തേക്ക് വലിച്ചിഴച്ചു കൊണ്ടുപോയി പീഡിപ്പിക്കാന്‍ ശ്രമിക്കുകയായിരുന്നുവെന്നാണ് കേസ്. സംഭവം കണ്ട അയല്‍വാസിയായ സ്ത്രീ ബഹളം വെച്ചതോടെ ഇയാള്‍ ഓടി രക്ഷപ്പെട്ടു.

ചന്ദന്‍ കുമാറിന്റെ കൈയ്യില്‍ നിന്നും കൃത്യ സ്ഥലത്ത് വീണ ബാഗിനെ കേന്ദ്രീകരിച്ചും സമീപമുള്ള സി സി റ്റി വി ദൃശ്യങ്ങള്‍ പരിശോധിച്ചും പോലീസുദ്യോഗസ്ഥര്‍ സംഘങ്ങളായി തിരിഞ്ഞ് 15 മണിക്കൂറോളം നീണ്ടകരച്ചില്‍ നടത്തിയാണ് പ്രതിയെ പിടികൂടി തിരിച്ചറിഞ്ഞ് അറസ്റ്റ് ചെയ്തത്.


ലേബര്‍ ക്യാമ്പുകള്‍ കേന്ദ്രീകരിച്ച് 1500 അന്യസംസ്ഥാന തൊഴിലാളികളെ പരിശോധിച്ച് ചോദ്യം ചെയ്തു. ഗൗരീശപട്ടത്തുള്ള അതിഥി തൊഴിലാളികളുടെ ലേബര്‍ ക്യാമ്പില്‍ നിന്നും മാര്‍ച്ച് 2 ന് രാത്രിയോടെയാണ് ഇയാളെ പിടികൂടിയത്.