സ്വപ്ന സുരേഷ് ഇന്ന് വീണ്ടും ക്രൈംബ്രാഞ്ചിന് മുന്നിൽ ഹാജരാകുകയാണ്. ഗൂഢാലോചന കേസിലാണ് സ്വപ്ന വീണ്ടും ക്രൈംബ്രാഞ്ചിന് മുന്നിലെത്തുന്നത്. ഈ കേസിൽ സ്വപ്ന സുരേഷ് നൽകിയ മുൻകൂർ ജാമ്യാപേക്ഷ ഹൈക്കോടതി ഇന്ന് പരിഗണിക്കുവാനിരിക്കുകയാണ്. മൂന്നാമത്തെ നോട്ടീസിലാണ് സ്വപ്‌ന ഈ കാര്യം അറിയിച്ചത്.

എറണാകുളം പോലീസ് ക്ലബ്ബിൽ രാവിലെ 11ന് എത്താനാണ് നിർദ്ദേശം നൽകിയിരിക്കുന്നത്. മലപ്പുറം സ്വദേശി നൗഫൽ ഫോണിൽ വിളിച്ച് ഭീഷണിപ്പെടുത്തിയ കേസിൽ വിവരങ്ങൾ കൈമാറാൻ സ്വപ്നയെ ഇന്നലെ പോലീസ് ക്ലബ്ബിലേക്ക് വിളിപ്പിക്കുകയുണ്ടായി . ഈ കേസിൽ സ്വപ്‌നയുടെ മൊഴി രേഖപ്പെടുത്തിയിരിക്കുകയാണ്. വൈകീട്ട് 4:30 ന് തുടങ്ങിയ മൊഴിയെടുപ്പ് 5:45 വരെ നീണ്ടു നിന്നിരുന്നു .