ഇടുക്കിയിൽ മോഷണശ്രമത്തിനിടെ ഓടി രക്ഷപ്പെട്ടയാളെ മരിച്ച നിലയില്‍ കണ്ടെത്തി. സേനാപതി വട്ടപ്പാറ സ്വദേശി ജോസഫാണ് മരിച്ചത്.നെടുങ്കണ്ടത്ത് മോഷണശ്രമത്തിനിടെ ഇയാൾ ഓടി രക്ഷപ്പെടുകയായിരുന്നു. പിന്നീട് ഇയാളെ സമീപത്തെ റോഡരികിലാണ് മരിച്ച നിലയില്‍ കണ്ടെത്തിയത്.

ചെമ്മണ്ണാര്‍ സ്വദേശി രാജേന്ദ്രന്റെ വീട്ടിലാണ് ജോസഫ് മോഷ്ടിക്കാന്‍ കയറിയിരുന്നത്. മോഷണശ്രമത്തിനിടെ ശബ്ദം കേട്ട് രാജേന്ദ്രന്‍ ഉണരുകയും ഇരുവരും തമ്മില്‍ ഉന്തും തള്ളുമുണ്ടാകുകയുമായിരുന്നു. ഇതിനിടെ ജോസഫിന്റെ ആക്രമണത്തില്‍ രാജേന്ദ്രന്റെ മുഖത്ത് പരുക്കേറ്റിരുന്നു.

ശബ്ദമുണ്ടാക്കി അയല്‍ക്കാരെ വിവരമറിയിക്കാന്‍ ശ്രമിക്കവേയാണ് ജോസഫ് സ്ഥലത്ത് നിന്ന് ഓടി രക്ഷപെടുകയായിരുന്നു.നാട്ടുകാര്‍ ഇയാളെ രാത്രി അന്വേഷിച്ച് നടന്നെങ്കിലും ജോസഫിനെ കണ്ടെത്താന്‍ സാധിച്ചിരുന്നില്ല. ഇതിനുശേഷമാണ് വെളുപ്പിനാണ് ഇയാളെ റോഡിൽ മരിച്ച നിലയില്‍ കണ്ടെത്തിയത്.