കേരള ഹൈക്കോടതി വിധിയില് ഇടപെടാനാവില്ല..... യുവനടിയെ പീഡിപ്പിച്ച കേസില് നടനും നിര്മ്മാതാവുമായ വിജയ് ബാബുവിന് മുന്കൂര് ജാമ്യം നല്കിയതിനെതിരായ ഹര്ജി സുപ്രീം കോടതി തള്ളി....
കേരള ഹൈക്കോടതി വിധിയില് ഇടപെടാനാവില്ല..... യുവനടിയെ പീഡിപ്പിച്ച കേസില് നടനും നിര്മ്മാതാവുമായ വിജയ് ബാബുവിന് മുന്കൂര് ജാമ്യം നല്കിയതിനെതിരായ ഹര്ജി സുപ്രീം കോടതി തള്ളി.
ഹൈകോടതി സിംഗിള് ബെഞ്ചിന്റെ വിധി റദ്ദാക്കണമെന്ന സംസ്ഥാന സര്ക്കാറിന്റെ ഹരജിയാണ് കോടതി തള്ളിയത്. കേരള ഹൈകോടതി വിധിയില് ഇടപെടാനാവില്ലെന്ന് ജസ്റ്റിസുമാരായ ഇന്ദിര ബാനര്ജി, ജെ.കെ മഹേശ്വരി എന്നിവരടങ്ങിയ ബെഞ്ച് വ്യക്തമാക്കി.
അതേസമയം, വിജയ് ബാബുവിന്റെ ജാമ്യവ്യവസ്ഥയില് കൂടുതല് നിബന്ധനകള് സുപ്രീംകോടതി ഉള്പ്പെടുത്തി. കോടതിയുടെ അനുമതിയില്ലാതെ കേരളം വിട്ടുപോകുന്നതിനും കേസുമായി ബന്ധപ്പെട്ട് സമൂഹമാധ്യമങ്ങളില് പോസ്റ്റിടുന്നതിനും വിലക്കുണ്ട്. അതിജീവിതയെ അധിക്ഷേപിക്കാന് പാടില്ല.
തെളിവ് നശിപ്പിക്കുന്നതിനോ സാക്ഷികളെ സ്വാധീനിക്കുന്നതിനോ ശ്രമിക്കരുത്. കൂടാതെ, ജൂണ് 27 മുതല് ജൂലൈ മൂന്നു വരെ മാത്രമേ ചോദ്യം ചെയ്യാന് പാടുള്ളുവെന്ന ഹൈകോടതി ജാമ്യവ്യവസ്ഥയിലും കോടതി മാറ്റം വരുത്തി. ഹൈക്കോടതി ഉത്തരവിനെതിരെ നല്കിയ ഹരജി അടിയന്തിരമായി പരിഗണിക്കണമെന്ന് ചൊവ്വാഴ്ച സര്ക്കാര് ആവശ്യപ്പെട്ടതിനെ തുടര്ന്നാണ് ബുധനാഴ്ച തന്നെ സുപ്രീംകോടതി പരിഗണിച്ചത്.
കഴിഞ്ഞ മാര്ച്ച് 16 മുതല് ഏപ്രില് 14 വരെയുള്ള കാലയളവില് വിജയ് ബാബു പീഡിപ്പിച്ചെന്ന് കാണിച്ച് ഏപ്രില് 17ന് യുവ നടി നല്കിയ പരാതിയില് പൊലീസ് കേസെടുത്തിരുന്നുവെന്നും കേസിന്റെ വിവരം അറിഞ്ഞ വിജയ് ബാബു ദുബൈയിലേക്കു ഒളിവില് പോയെന്നും സര്ക്കാര് ഹര്ജിയിലുണ്ട്.
ദുബൈയില് നിന്നാണ് വിജയ് ബാബു മുന്കൂര് ജാമ്യാപേക്ഷ നല്കിയത്. വിദേശത്തുള്ള പ്രതികള്ക്ക് ഹൈക്കോടതിയില് മുന്കൂര് ജാമ്യാപേക്ഷ നല്കാനാവില്ലെന്നു ഹൈകോടതി തന്നെ നേരത്തെ ചില വിധികളില് വ്യക്തമാക്കിയിട്ടുണ്ട്. ഇതു നിലനില്ക്കെ വിജയ് ബാബുവിന് മുന്കൂര് ജാമ്യം അനുവദിച്ചത് നിയമപരമല്ലെന്നാണ് സര്ക്കാറിന്റെ വാദത്തിലുള്ളത്.
"
https://www.facebook.com/Malayalivartha
