അച്ഛനെതിരെ പരാതിയുമായി മക്കൾ. പ്രായപൂര്‍ത്തിയാകാത്ത മകളെയും മകനെയും അച്ഛന്‍ നിര്‍ബന്ധിച്ച് മദ്യം കുടിപ്പിച്ചെന്നാണ് പരാതി. അച്ഛൻ രാത്രി മദ്യപിച്ചെത്തിയായിരുന്നു ഇത്തരത്തിൽ അതിക്രമം കാണിച്ച് കൂട്ടിയത്. മറ്റൊരു പോക്സോ കേസില്‍ പ്രതിയായ ഇയാളെ രാജപുരം പൊലീസ് അറസ്റ്റു ചെയ്യുകയായിരുന്നു. ഇതരത്തിൽ അബോധാവസ്ഥയിലായ പെണ്‍കുട്ടിയെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിക്കുകയും ചെയ്തു. കുട്ടികളെ ഉറക്കിക്കിടത്താനാണ് മദ്യം കുടിപ്പിച്ചതെന്നാണ് അമ്മയുടെ മൊഴി.

പിതാവ് കേൾവിശക്തിയോ സംസാരശേഷിയോ ഇല്ലാത്ത വ്യക്തിയാണ്. ബുധനാഴ്ച രാത്രിയായിരുന്നു മദ്യലഹരിയിൽ പിതാവ് എത്തിയത്. നാലുമക്കളിൽ 13കാരനും 12കാരിക്കും മദ്യം നൽകി. കഴിഞ്ഞ രണ്ടു ദിവസങ്ങളിലായി ഇയാൾ ഇത് ചെയ്യുന്നുണ്ടെന്ന് കുട്ടികളുടെ അമ്മമൊഴി കൊടുത്തു. തടയാൻ ശ്രമിച്ച സഹോദരനെയും തന്നെയും അതിക്രമിച്ചതായും അമ്മ വെളിപ്പെടുത്തുകയുണ്ടായി. വളരെയധികം മനുഷ്യ മനഃസാക്ഷിയെ ഞെട്ടിക്കുന്ന സംഭവമാണ് നടന്നിരിക്കുന്നത്.