ഞെട്ടലോടെ നാട്ടുകാര്‍ ..... വൈദികന്റെ വീട്ടില്‍ നിന്ന് അമ്പത് പവന്‍ സ്വര്‍ണവും പണവും കവര്‍ന്നത് സ്വന്തം മകനാണെന്ന വാര്‍ത്ത നാട്ടുകാര്‍ കേട്ടത് ഞെട്ടലോടെ..... സാമ്പത്തിക ബാധ്യതകള്‍ തീര്‍ക്കാന്‍ വേണ്ടിയാണ് സ്വന്തം വീട്ടില്‍ നിന്ന് സ്വര്‍ണം കവര്‍ന്നതെന്ന് പൊലീസിനും സ്വന്തം പിതാവായ പുരോഹിതനും മുന്നില്‍ കുറ്റസമ്മതം നടത്തി അറസ്റ്റിലായ ഷൈനോ


കോട്ടയം ജില്ലയിലെ പാമ്പാടിക്ക് സമീപത്തായി കൂരോപ്പടയില്‍ വൈദികന്റെ വീട്ടില്‍ നിന്ന് അമ്പത് പവന്‍ സ്വര്‍ണവും പണവും കവര്‍ന്നത് സ്വന്തം മകനാണെന്നറിഞ്ഞപ്പോള്‍ എല്ലാവരും ഒന്നു ഞെട്ടി. കള്ളന്‍ കപ്പലില്‍ തന്നെ. സാമ്പത്തിക ബാധ്യതകള്‍ തീര്‍ക്കാന്‍ വേണ്ടിയാണ് സ്വന്തം വീട്ടില്‍ നിന്ന് സ്വര്‍ണം കവര്‍ന്നതെന്ന് അറസ്റ്റിലായ ഷൈനോ നൈനാന്‍ കോശി പറഞ്ഞു.

വളരെയേറെ നാളായി വീട്ടില്‍ നിന്നും ചെറിയ ചെറിയ അളവില്‍ എടുത്തുമാറ്റിയ സ്വര്‍ണം തിരികെ വയ്ക്കാനായി കഴിയില്ലെന്ന് ബോധ്യപ്പെട്ടതോടെ വീട്ടില്‍ മോഷണം നടന്നെന്ന് വരുത്തി തീര്‍ക്കാനുള്ള നാടകമാണ് ചൊവ്വാഴ്ച വൈകിട്ട് ഷൈനോ നടത്തിയതെന്നും പൊലീസ് . വീട് കുത്തി തുറന്ന് മോഷണം നടത്തിയ കേസില്‍ പൊലീസിന് തുണയായത് പ്രതിയുടെ മൊബൈല്‍ കേന്ദ്രീകരിച്ചുള്ള അന്വേഷണമാണ്. സംഭവം നടന്ന് ആദ്യഘട്ട പരിശോധനകള്‍ നടത്തിയപ്പോള്‍ തോന്നിയ സംശയങ്ങള്‍ തന്നെ കേസില്‍ വലിയ വഴിത്തിരിവായി.



മോഷണത്തിന്റെ രീതികളില്‍ നിന്ന് വീട്ടിലുള്ള ആരോ അല്ലെങ്കില്‍ വീടിനോട് അത്രയും ബന്ധമുള്ള ആരോ ആണ് കവര്‍ച്ച നടത്തിയതെന്ന് അന്വേഷണ സംഘത്തിന് സംശയംപ്രകടമായിരുന്നു. ഇതോടെ മോഷണ സമയത്ത് വീട്ടിലുള്ളവര്‍ എവിടെയൊക്കെ ആയിരുന്നുവെന്ന് വിശദമായി തന്നെ അന്വേഷിച്ച് പൊലീസ് . ഇതില്‍ നിന്നാണ് സുപ്രധാനമായ ഒരു വിവരം അന്വേഷണ സംഘത്തിന് ലഭിച്ചത്. വീട്ടില്‍ മോഷണം നടക്കുന്ന സമയത്ത് ഫാദര്‍ ജേക്കബ് നൈനാന്റെ മകന്‍ ഷൈനോ നൈനാന്റെ മൊബൈല്‍ ഫോണ്‍ 'ഫ്‌ലൈറ്റ് മോഡില്‍' ആയിരുന്നു.
ഈ കണ്ടെത്തലാണ് അറസ്റ്റിലേക്ക് അതിവേഗം എത്താന്‍ പൊലീസിന് സഹായകരമായത്.

സ്വര്‍ണം സൂക്ഷിച്ച അലമാര പൊളിക്കാതെ താക്കോല്‍ ഉപയോഗിച്ച് തുറന്ന ശേഷമാണ് കവര്‍ച്ച നടത്തിയിരിക്കുന്നത്. ഇതോടെ താക്കോല്‍ ഇരിക്കുന്ന സ്ഥലത്തെ കുറിച്ച് മോഷ്ടിച്ചയാളിന് നല്ല ബോധ്യമുണ്ടെന്ന് പൊലീസിന് വ്യക്തമായി. വീടിനെ കുറിച്ച് ഇത്രയും ധാരണ ഉറപ്പായും വീട്ടിലുള്ളവര്‍ക്ക് മാത്രമേ ഉണ്ടാവൂ എന്നത് അന്വേഷണം സംഘം ഉറപ്പിച്ചുിട്ടുണ്ടായിരുന്നു. ഫാദര്‍ ജേക്കബ് നൈനാനും ഭാര്യയും തൃക്കോതമംഗലം പള്ളിയില്‍ പ്രാര്‍ത്ഥനയ്ക്ക് എല്ലാ ചൊവ്വാഴ്ചയും പോകാറുണ്ട്. ഇക്കാര്യത്തെ കുറിച്ചും വ്യക്തമായ അറിവ് മോഷ്ടാവിന് ഉണ്ടായിരിക്കുമെന്ന് പ്രാഥമിക അന്വേഷണത്തില്‍ പൊലീസ് ഉറപ്പിച്ചു.

പള്ളിയിലേക്ക് എപ്പോള്‍ പോകും, എപ്പോള്‍ തിരിച്ചുവരും എന്നൊക്കെ അറിയുന്നയാള്‍ക്ക് മാത്രമേ കൃത്യമായി ആസൂത്രണം ചെയ്ത് ഇതേ സമയം കവര്‍ച്ച നടത്താന്‍ സാധിക്കൂ. ഇതോടെ എല്ലാ സംശയങ്ങളും ഷൈനോയിലേക്ക് മാത്രം നീണ്ടു. ഇതേസമയം തന്നെയാണ് ഷൈനോയുടെ കടബാധ്യതകളെ കുറിച്ച് പൊലീസിന് വിവരം ലഭിക്കുന്നതും.

ചോദ്യം ചെയ്യലില്‍ കടബാധ്യത പരിഹരിക്കാനാണ് മോഷണം നടത്തിയതെന്ന് ഷൈനോ മൊഴി നല്‍കി. വീട്ടിലാകെ മുളക് പൊടി വിതറിയ നിലയിലായിരുന്നു. കവര്‍ച്ച ചെയ്യപ്പെട്ട സ്വര്‍ണത്തിന്റെ ഒരു ഭാഗം വീടിന് സമീപത്ത് നിന്നും പൊലീസ് കണ്ടെടുത്തുകയും ചെയ്തിരുന്നു. ഇതോടെ സംഭവത്തില്‍ ദുരൂഹതയെറെയായി. ഫോറന്‍സിക് വിദഗ്ധര്‍ സ്ഥലത്ത് എത്തി പരിശോധന നടത്തിയിരുന്നു. തുടര്‍ന്നുള്ള അന്വേഷണവും വൈദികന്റെ മകന്‍ ഷൈനോയിലേക്ക് തന്നെ എത്തിച്ചേര്‍ന്നു.