ഫോണ് താ!! അലറിവിളിച്ച് അയാൾ..പട്ടാപ്പകല് കൊല്ലം നഗരമധ്യത്തില് യുവതിക്ക് ഭർത്താവിൻ്റെ ക്രൂര മർദനം!! കടയില് നിന്ന് പിടിച്ച് വലിച്ചിഴച്ച് പുറത്ത് റോഡില് കൊണ്ടുവന്ന ശേഷവും മർദ്ദനം!!
മൊബൈല് ഫോണ് ചോദിച്ചിട്ട് നൽകാത്തതിന് പട്ടാപ്പകല് കൊല്ലം നഗരമധ്യത്തില് യുവതിക്ക് ഭർത്താവിൻ്റെ മർദനം. കലയ്ക്കോട് ആലുംമൂട്ടില് കിഴക്കതില് സുമയ്ക്ക് കൈക്കും കാലിനും പരിക്കേറ്റു. യുവതിയെ പാരിപ്പള്ളി മെഡിക്കല് കോളേജില് പ്രവേശിപ്പിച്ചു. സുമയുടെ ഭര്ത്താവ് കോട്ടപ്പുറം കാരുണ്യത്തില് ശ്രീനാഥിനെ പോലീസ് അറസ്റ്റ് ചെയ്തു.
മര്ദ്ദനത്തില് സുമയുടെ തലയ്ക്കും, കൈക്കും, കാലിനും സാരമായി പരിക്കേറ്റു. യുവതിയെ നെടുങ്ങോലം താലൂക്ക് ആശുപത്രിയിലും തുടര്ന്ന് പാരിപ്പള്ളി മെഡിക്കല് കോളജ് ആശുപത്രിയിലും പ്രവേശിപ്പിച്ചു. ഗാര്ഹിക പീഠനം, വധശ്രമം അടക്കം ശ്രീനാഥിനെതിരെ ഏഴോളം വകുപ്പുകള് ചുമത്തിയാണ് കേസെടുത്തിരിക്കുന്നത്.
കൊല്ലം പരവൂരിൽ ഇന്ന് പകല് 11 മണിയോടെയാണ് സുമയ്ക്ക് നേരെ ആക്രമണം ഉണ്ടായത്. സുമ ജോലി ചെയ്യുന്ന വസ്ത്ര വ്യാപാര ശാലയില് എത്തിയ ശ്രീനാഥ് സുമയെ മര്ദിക്കുകയായിരുന്നു. പിന്നീട് കടയില് നിന്ന് സുമയെ പിടിച്ച് വലിച്ചിഴച്ച് പുറത്ത് റോഡില് കൊണ്ടുവന്ന ശേഷവും മർദിച്ചു. സുമയുടെ മുടിക്ക് കുത്തിപ്പിടിച്ച് വലിച്ചിഴച്ചു. കടയില് നിന്ന് റോഡിലേക്കും അവിടെ നിന്ന് തൊട്ടടുത്ത കടത്തിണ്ണയിലും ഇട്ട് ക്രൂരമായി മര്ദ്ദിച്ചു.
സുമയുടെ കഴുത്തില് ഷോള് മുറുക്കി ശ്വാസം മുട്ടിച്ചും തല റോഡില് ഇടിപ്പിച്ചുമാണ് ശ്രീനാഥ് മര്ദിച്ചത്. തടയാന് ശ്രമിച്ച നാട്ടുകാരോടും ശ്രീനാഥ് കയര്ത്തു സംസാരിച്ചു. സുമയ്ക്കൊപ്പം ഉണ്ടായിരുന്ന സ്ഥാപനത്തിലെ മറ്റൊരു ജീവനക്കാരിയും സുമയെ രക്ഷപ്പെടുത്താന് ശ്രമിച്ചെങ്കിലും ഫലമുണ്ടായില്ല.
റോഡിലൂടെ പോയ വാഹനങ്ങള് തടഞ്ഞു നിര്ത്തിയ ശ്രീനാഥ് വാഹനങ്ങളില് തലകൊണ്ട് ഇടിച്ചു. ഇതോടെ ഏറെ നേരം നഗരത്തില് ഗതാഗത തടസവും അനുഭവപ്പെട്ടു. ശ്രീനാഥിനെ അനുനയിപ്പിക്കാന് ആളുകള് ശ്രമിച്ചെങ്കിലും ഫലം കണ്ടില്ല. പോലീസെത്തി ഇയാളെ കസ്റ്റഡിയിലെടുത്ത് സ്റ്റേഷനിലേക്ക് കൊണ്ടു പോകുകയാായിരുന്നു.
https://www.facebook.com/Malayalivartha
