മുത്തച്ഛനും മുത്തശ്ശിക്കുമൊപ്പം സ്കൂട്ടറിൽ സഞ്ചരിക്കവേ മരം വീണ് അഞ്ചു വയസുകാരന് ദാരുണാന്ത്യം. എറണാകുളം പറവൂരിലാണ് സംഭവം. പുത്തൻവേലിക്കര സ്വദേശി സിജീഷിന്റെ മകൻ അനുപം കൃഷ്ണയാണ് മരിച്ചത്.

പറവൂര്‍ കൈരളി, ശ്രീ തീയേറ്ററുകളുടെ സമീപത്ത് ഉച്ചക്ക് രണ്ടു മണിയോടു കൂടിയായിരുന്നു അപകടം. ഉടന്‍തന്നെ കുട്ടിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. പരിക്കേറ്റ മുത്തച്ഛൻ പ്രദീപ്, മുത്തശ്ശി രേഖ എന്നിവരെ പറവൂർ മെഡിക്കൽ കോളേജിലേക്ക് മാറ്റി.