ബിഗ്ബോസ് മലയാളം സീസൺ ഫോറിലെ റോബിന്റെ വിശേഷങ്ങൾ അറിയാൻ ആരാധകർക്ക് ഇപ്പോഴും ഇഷ്ടമാണ്. ബിഗ്ബോസിൽ നിന്ന് ഇറങ്ങിയ റോബിൻ തിരക്കിലാണ്. ഉദ്ഘാടനങ്ങളും അഭിമുഖങ്ങളും സിനിമകളുടെയൊക്കെ ചർച്ചയുമായി മുന്നോട്ട് പോകുകയാണ് റോബിൻ. ഇപ്പോഴിതാ പുതിയ വിശേഷം ആരാധകർക്കായി പങ്കുവെച്ചിരിക്കുകയാണ് താരം.

നിങ്ങൾക്കൊരു സർപ്രൈസ് ഉണ്ട്. ആ​ഗസ്റ്റ് 17 ന് കോഴിക്കോട് ​ഗല്ലേറിയ മാളിലേക്ക് താൻ വരുന്നുണ്ടെന്നും അവിടെ നിങ്ങൾക്കൊരു സർപ്രൈസ് ഉണ്ടെന്നുമാണ് റോബിൻ പോസ്റ്റിലൂടെ പങ്കുവെച്ചിരിക്കുന്നത്. ഈ പോസ്റ്റിന് ആരതി പൊടിയും കമൻ്റ് ചെയ്തിട്ടുണ്ട്. ‘നിങ്ങളുടെ കഠിനാധ്വാനത്തിൻ്റെ ഫലമായി സ്വപ്നം സാക്ഷാത്കരിക്കാൻ പോകുന്നു. ഇനി നിങ്ങളുടെ ജീവിതത്തിൽ നല്ലത് മാത്രമേ സംഭവിക്കുള്ളൂ’, എന്നാണ് ആരതി കമൻ്റ് ചെയ്തത്.

അതിന് മറുപടിയും റോബിൻ നൽകി ‘അതേ സ്വപ്നം യാഥാർത്ഥ്യമാകാൻ പോകുകയാണെ’ന്ന് റോബിൻ മറുപടി പറഞ്ഞിരിക്കുകയാണ്. റോബിനെ കൂടാതെ ഉണ്ണി മുകുന്ദൻ, ദുർ​ഗ കൃഷ്ണ, ദിവ്യ പിള്ള തുടങ്ങി നിരവധി താരങ്ങളും എത്തുന്നുണ്ട്. റോബിൻ്റെ പുതിയ പോസ്റ്റ് കണ്ടതോടെ ആരാധകരും ആവേശത്തിലാണ് ഇപ്പോൾ.

കാര്യം എന്താണെന്ന് അറിയാനുള്ള ആകാംഷയിലാണ് ഫാൻസുകാർ. പുതിയ സിനിമയുടെ അറിയിപ്പ് ആയിരിക്കുമെന്നാണ് കൂടുതൽ പേരും പറയുന്നത്. ബിഗ്ബോസിൽ നിന്ന് പുറത്തിറങ്ങിയ റോബിനെ തേടി അഭിനയിക്കാൻ നിരവധി അവസരങ്ങൾ ലഭിച്ചു. എന്നാൽ അതിൽ നിന്ന് തെരഞ്ഞെടുത്ത ചില പ്രൊജക്ടുകളിൽ മാത്രമേ ഇപ്പോൾ അഭിനയിക്കുന്നുള്ളൂവെന്നും റോബിൻ അഭിമുഖങ്ങളിലൂടെ വ്യക്തമാക്കിയിരിക്കുകയാണ്.

അതേസമയം ഷോ സംപ്രേക്ഷണം ചെയ്ത് ആദ്യ രണ്ടാഴ്ചക്കുള്ളിൽ തന്നെ ഡോക്ടർ റോബിന് വേണ്ടി സോഷ്യൽ മീഡിയയിൽ ആർമി ​ഗ്രൂപ്പുകൾ സജീവമായിരുന്നു. ബി​ഗ് ബോസിലേക്ക് എത്തിപ്പെടാൻ ഒരുപാട് കഷ്ടപ്പെട്ടിട്ടുണ്ടെന്നും റോബിൻ പല അഭിമുഖങ്ങളിലും പറഞ്ഞിട്ടുണ്ട്. എട്ടുമാസത്തോളം ബി​ഗ് ബോസിനെക്കുറിച്ച് വിശദമായി പഠിച്ചശേഷമാണ് താൻ മത്സരിക്കാനെത്തിയതെന്ന് തുടക്കം മുതൽ റോബിൻ പറയാറുണ്ടായിരുന്നു. ജനങ്ങളുടെ പൾസ് അറിഞ്ഞ്ബി പെരുമാറിയതുകൊണ്ടാണ് റോബിന് ഇത്രയേറെ ആരാധകരെ സമ്പാദിക്കാനായത്.