കെ ടി ജലീലിന്റെ കശ്മീർ സന്ദർശനവും ഫേസ്ബുക്ക് കുറിപ്പും വമ്പൻ കോളിളക്കങ്ങളാണ് സൃഷ്ടിച്ചത്. ചരിത്ര വിരുദ്ധ പരാമർശങ്ങൾ അടങ്ങിയ ആ കുറിപ്പ് ജലീൽ പിൻവലിച്ചിരുന്നു. ഇപ്പോൾ ഇതാ പാകിസ്താനെ കുറിച്ച് ചില പരാമർശങ്ങളുമായി കെ ടി ജലീൽ രംഗത്ത് വന്നിരിക്കുകയാണ്. ഇന്ത്യയുടെ 76-മത് സ്വാതന്ത്ര്യ ദിനത്തോടനുബന്ധിച്ച് സിപിഎം സംഘടിപ്പിച്ച ഫ്രീഡം സ്ട്രീറ്റ് പരിപാടിയിലായിരുന്നു പാകിസ്ഥാനെ കുറിച്ച് അദ്ദേഹം പരാമർശിച്ചത്.

ഇന്ത്യയുടെ സ്വാതന്ത്ര്യ ദിനത്തിന്റെ ഭാഗമായി സിപിഎം സംഘടിപ്പിച്ച പരിപാടിയിൽ പാകിസ്ഥാന്റെ കഷ്ടതകളും ബംഗ്ലാദേശ് വിഭജനത്തിന്റെ വേദനകളും ജലീൽ പറയുകയുണ്ടായി. പാകിസ്ഥാനിലെ ഭാഷ ഒന്നാണ്. അവിടുത്തെ മതം ബഹുഭൂരിപക്ഷവും ഒന്നാണ് . അവിടുത്തെ സംസ്‌കാരവും ഒന്നാണ് . അങ്ങനെ ഉള്ള പാകിസ്ഥാനിൽ നിന്ന് ആഭ്യന്തര കലാപം നടത്തി പിരിഞ്ഞുപോയവർ ഇസ്ലാം മത വിശ്വാസികൾ ആയിരുന്നുവെന്നാണ് അദ്ദേഹം പറഞ്ഞിരിക്കുന്നത്.

ഇന്ത്യയുടെ മുൻ ഉപരാഷ്‌ട്രപതി ഹമീദ് അൻസാരി രാജ്യത്തിന്റെ തന്ത്രപ്രധാനമായ രഹസ്യങ്ങൾ പാകിസ്ഥാന് ചോർത്തി നൽകിയെന്ന ആരോപണം നേരിടുന്നുണ്ട്. ഈ സാഹചര്യത്തിൽ അൻസാരിയെ അനുകൂലിക്കുന്ന തരത്തിൽ ജലീൽ പരാമർശങ്ങൾ നടത്തിയിരിക്കുകയാണ്. കശ്മീരിൽ ആർട്ടിക്കിൾ 370 റദ്ദാക്കിയതിനെ കുറിച്ച് വീണ്ടും ജലീൽ വിമർശിക്കുകയുണ്ടായി.

മുത്വലാഖ് നിരോധനം മുസ്ലീം സമുദായത്തിലേക്കുളള കടന്നുകയറ്റമാണെന്നാണ് കെ ടി ജലീൽ ഉന്നയിച്ച ആരോപണം. വിവാദങ്ങൾ കെട്ടടങ്ങുന്നതിന് മുന്നെയാണ് പാകിസ്താനെയും കശ്മീരിന്റെ പ്രത്യേക പദവി എടുത്തു കളഞ്ഞ ആർട്ടിക്കിൾ 370നെ കുറിച്ചും സിപിഎം വേദിയിൽ കെ ടി ജലീൽ ഇത്തരത്തിൽ ഉള്ള പരാമർശങ്ങൾ നടത്തിയത് .