ചിങ്ങം ഒന്ന് .... കോവിഡ് മഹാമാരി ഉയര്ത്തുന്ന ഭീഷണിയ്ക്കും പ്രതിസന്ധികള്ക്കുമിടയിലും, മഴക്കെടുതി മൂലമൂള്ള ദുരിതങ്ങള്ക്കിടയിലും പൊന്നിന് ചിങ്ങത്തെ വരവേറ്റ് മലയാളികള്.... ചിങ്ങപ്പിറവി പ്രമാണിച്ച് ലോകമെമ്പാടുമുള്ള കേരളീയര്ക്ക് ആശംസകള് നേര്ന്ന് ഗവര്ണറും മുഖ്യമന്ത്രിയും
ചിങ്ങം ഒന്ന് .... കോവിഡ് മഹാമാരി ഉയര്ത്തുന്ന ഭീഷണിയ്ക്കും പ്രതിസന്ധികള്ക്കുമിടയിലും, മഴക്കെടുതി മൂലമൂള്ള ദുരിതങ്ങള്ക്കിടയിലും പൊന്നിന് ചിങ്ങത്തെ വരവേറ്റ് മലയാളികള്....
പ്രതിസന്ധികളുടെ കാലത്തെ അതിജീവിച്ച് ജീവിതത്തെ വീണ്ടും കരുപിടിപ്പിക്കാനൊരുങ്ങുകയാണ് ഓരോരുത്തരും. മലയാളികള്ക്ക് പുതുവര്ഷ ദിനമാണ് ഇന്ന്.
കളളകര്ക്കടകം മാറി ചിങ്ങപ്പുലരി പിറക്കുന്നതോടെ സമൃദ്ധിയുടെയും ഐശ്വര്യത്തിന്റെയും ദിനങ്ങളിലേക്കാണ് ഓരോ മലയാളിയും കണ് തുറന്നത് കാര്ഷിക സംസ്കാരത്തിന്റേയും ഓണക്കാലത്തിന്റേയും ഗൃഹാതുര സ്മരണകള് ഉണര്ത്തുന്നതാണ് പൊന്നിന് ചിങ്ങം. കേരളക്കരയില് ചിങ്ങം ഒന്ന് കര്ഷക ദിനം കൂടിയാണ്. വിളവെടുപ്പിന്റേയും സമൃതിയുടേയും മാസമാണ് ചിങ്ങം. എന്നാല് ഇന്ന് കാലാവസ്ഥ മാറി. ചിങ്ങത്തിലും വറുതി തന്നെയാണ്. നിര്ത്താതെ പെയ്ത കാല വര്ഷത്തില് ഉണ്ടായ നഷ്ടക്കണക്കും ദുരിത കഥകളുടേയും തുടര്ച്ചയായാണ് ഇന്ന് ചിങ്ങവും.
പഞ്ഞമാസം എന്നാണ് പൊതുവെ കര്ക്കടകം അറിയപ്പെടുന്നത്. ദാരിദ്ര്യത്തിന്റേയും ഇല്ലായ്മയുടേയും മഴക്കെടുതിയുടേയും മാസം. അതുകൊണ്ട് തന്നെ ഇതില് നിന്നുള്ള മോക്ഷമായാണ് ചിങ്ങത്തിന്റെ വരവ് കണക്കാക്കുന്നത്.
അതേസമയം, ചിങ്ങപ്പിറവി പ്രമാണിച്ച് ലോകമെമ്പാടുമുള്ള കേരളീയര്ക്ക് ഗവര്ണര് ശ്രീ. ആരിഫ് മുഹമ്മദ് ഖാന് ആശംസ നേര്ന്നു. കൊല്ലവര്ഷം 1198 ന് ആരംഭം കുറിക്കുകയും കേരളം കര്ഷകദിനമായി ആഘോഷിക്കുകയും ചെയ്യുന്ന ഈ ദിനം നമ്മെ ഐശ്വര്യവും സുഖവും ആനന്ദവും പ്രദാനം ചെയ്യുന്ന പുതുവര്ഷത്തിലേക്ക് ആനയിക്കട്ടെ എന്ന് ആശംസിക്കുന്നവെന്ന് ഗവര്ണര് .
മുഖ്യമന്ത്രി പിണറായി വിജയനും ചിങ്ങപ്പിറവി ആശംസകള് നേര്ന്നു. ചിങ്ങം ഒന്ന് കേരളത്തിനിത് കര്ഷക ദിനം കൂടിയാണ്. നമ്മുടെ ശ്രേഷ്ഠമായ കാര്ഷിക പാരമ്പര്യത്തെ ആഘോഷിക്കാനും കാര്ഷിക മേഖലയുടെ അഭിവൃദ്ധിക്കായി പുതിയ ചിന്തകള് പങ്കു വയ്ക്കാനുമുള്ള അവസരമാണ് ചിങ്ങം ഒന്ന് കര്ഷക ദിനമായി ആചരിക്കുന്നതിലൂടെ ഒരുങ്ങുന്നത്. നമ്മുടെ രാജ്യത്തെ കര്ഷകര് കടുത്ത പ്രതിസന്ധികളിലൂടെ കടന്നു പോകുന്ന ഘട്ടമാണിത് എന്നത് കര്ഷക ദിനത്തിന്റെ പ്രസക്തി വര്ദ്ധിപ്പിക്കുന്നു. കര്ഷകരുടെ സുരക്ഷിതത്വം തകര്ക്കുന്ന നവ ഉദാരവല്ക്കരണ നയങ്ങള്ക്കെതിരെ രാജ്യമാകെ വലിയ പ്രക്ഷോഭങ്ങളാണ് നടന്നു കൊണ്ടിരിക്കുന്നത്. അവയോട് ഐക്യപ്പെടാനും കര്ഷകര്ക്കു പിന്തുണ നല്കാനും മുന്നോട്ട് വരാന് നാം തയ്യാറാകേണ്ട സന്ദര്ഭം കൂടിയാണിത്.
അതോടൊപ്പം ബദല് കാര്ഷിക നയങ്ങളുമായി മുന്നോട്ടു പോകുന്ന സംസ്ഥാന സര്ക്കാരിന്റെ പദ്ധതികള് കൂടുതല് ജനകീയമാക്കാന് അനിവാര്യമായ പിന്തുണ ഏവരില് നിന്നും ഉണ്ടാകണമെന്നും അഭ്യര്ത്ഥിക്കുന്നു. നമ്മുടെ മഹത്തായ കാര്ഷിക പാരമ്പര്യം സംരക്ഷിക്കാനും കര്ഷകരുടെ ക്ഷേമത്തിനായും നമുക്കൊരുമിച്ചു മുന്നോട്ടു പോകാം. ഏവര്ക്കും ആശംസകള്.
സമ്പല്സമൃതിയുടേയും പ്രതീക്ഷയുടേയും പുതുവര്ഷമാണ് മലയാളികള്ക്ക് ചിങ്ങമാസം. ആയതിനാല് അറുതിയും വറുതിയുമെല്ലാം വഴിമാറി സമ്പല്സമൃതിയുടെ കാലം നിങ്ങള്ക്ക് ഓരോരുത്തര്ക്കും ഈ ചിങ്ങമാസം സമ്മാനിക്കട്ടെ.
https://www.facebook.com/Malayalivartha
