സ്കൂള് സമയ മാറ്റത്തിലെ തര്ക്കങ്ങള് പരിഹരിക്കാനായി സര്ക്കാര് ഇന്ന് മതസംഘടനകളുമായി ചര്ച്ച
സ്കൂള് സമയ മാറ്റത്തിലെ തര്ക്കങ്ങള് പരിഹരിക്കാനായി സര്ക്കാര് ഇന്ന് മതസംഘടനകളുമായി ചര്ച്ച നടത്തും. സമസ്ത അടക്കം സമയമാറ്റത്തെ ശക്തമായി എതിര്ത്ത പശ്ചാത്തലത്തിലാണ് നടപടി. വെള്ളിയാഴ്ച ഒഴികെയുള്ള ദിവസങ്ങളില് രാവിലെയും ഉച്ചയ്ക്കുമായി പ്രവര്ത്തന സമയം 15 മിനുട്ട് വീതമാണ് വര്ധിപ്പിച്ചത്.
രാവിലെ 9.45 മുതല് വൈകിട്ട് 4.15 വരെ ക്ലാസ് സമയം നീട്ടുന്നത് മതപഠനത്തിന് തടസ്സമാകുമെന്നാണ് ഒരു വിഭാഗം പറയുന്നത്. ഹൈക്കോടതി നിര്ദ്ദേശ പ്രകാരമാണ് സ്കൂള് സമയം അരമണിക്കൂര് വര്ധിപ്പിക്കാനായി സര്ക്കാര് തീരുമാനിച്ചത്. ഇക്കാര്യം മതസംഘടനകളോട് വിശദീകരിക്കാനാണ് സര്ക്കാര് ശ്രമിക്കുക. അതേസമയം മതസംഘടനകള്ക്ക് വഴങ്ങരുതെന്നും സമയ മാറ്റം വേണ്ടെന്ന് വെച്ചാല് സമരം നടത്തുമെന്നും ബിജെപി അറിയിച്ചിട്ടുണ്ടായിരുന്നു.
എന്നാല് സമയ മാറ്റത്തിന്റെ സാഹചര്യം ബോധ്യപ്പെടുത്തുന്നതിനാണ് ചര്ച്ചയെന്ന് വിദ്യാഭ്യാസ വകുപ്പ് മന്ത്രി അടക്കം വിശദീകരിക്കുന്നു. എട്ട് മുതല് പത്താം ക്ലാസ് വരെയുള്ള കുട്ടികളുടെ സ്കൂള് സമയം അരമണിക്കൂര് വര്ധിപ്പിക്കാന് കഴിഞ്ഞ മാസമാണ് സര്ക്കാര് തീരുമാനിച്ചത്.
"
https://www.facebook.com/Malayalivartha
