വെല്‍ഡിംഗ് വര്‍ക്ക്ഷോപ്പില്‍ വച്ചു നടന്ന കളി തമാശ പറച്ചില്‍ കൊലപാതകത്തില്‍ കലാശിച്ച കേസില്‍ വര്‍ക്ക്‌ഷോപ്പ് ഉടമക്ക് ഏഴ് വര്‍ഷം കഠിന തടവും, അന്‍പതിനായിരം രൂപ പിഴയും ശിക്ഷ വിധിച്ചു.നെടുങ്കാട് സാജ് വെല്‍ഡിങ് വര്‍ക്ക്‌ഷോപ്പ് ഉടമ വിക്രമനെയാണ് ഏഴ് വര്‍ഷം കഠിന തടവിനും, 50000/രൂപ പിഴ ഒടുക്കാനും, പിഴ ഒടുക്കിയില്ലെങ്കില്‍ 6 മാസം കൂടി തടവ് അനുഭവിക്കാനും കോടതി ശിക്ഷിച്ചത്.

തിരുവനന്തപുരം ആറാം അഡീഷണല്‍ ജില്ലാ, സെഷന്‍സ് കോടതി ജഡ്ജ് ആര്‍ രേഖ ആണ് പ്രതിയെ ശിക്ഷിച്ചത്. 29.04.2022-ന് ഉച്ചയ്ക്ക് 2 മണിക്കാണ് കേസിനാസ്പദമായ സംഭവം നടന്നത്. പ്രതിയായ വിക്രമന്റെ വര്‍ക്ക് ഷോപ്പിലെത്തിയ ബോസ്സ് എന്ന 48 വയസ്സുകാരനെ, മുനയുളിയെന്ന ആയുധം ഉപയോഗിച്ച് വിക്രമന്‍ കുത്തി പരിക്കേല്‍പ്പിച്ചതില്‍ വച്ച്, ബോസ്സ് 30-04-22 ല്‍ തിരുഃ medical കോളേജ് ഹോസ്പിറ്റലില്‍ വച്ചു മരണപ്പെടുകയുണ്ടായി, തുടര്‍ന്ന് കരമന police  വിക്രമനെ പ്രതിയാക്കി കേസ് എടുക്കുകയായിരുന്നു.

മണക്കാട് വില്ലേജില്‍, നെടുങ്കാട്, വാര്‍ഡില്‍, സോമന്‍ നഗര്‍ ടിസി 54/1688 തുണ്ടുവിള വീട്ടില്‍ ചെല്ലന്‍ ആശാരി മകന്‍ ആണ് പ്രതിയായ വിക്രമന്‍ (65). മരണപെട്ടത്, നെടുങ്കാട്, വാര്‍ഡില്‍, ജോയ് കോട്ടേജില്‍ കുട്ടപ്പന്‍ മകന്‍ ബോസ്സ് എന്ന ആളാണ്, പ്രതിയുടെ വര്‍ക്ക്ഷോപ്പില്‍ വച്ചു നടന്ന കളി തമാശ പറച്ചില്‍ ആണ് കൊലപാതകത്തില്‍ കലാശിച്ചത്. മരിച്ച ആള്‍ അവിവാഹിതന്‍ ആണ്.

പ്രോസിക്യൂഷനു വേണ്ടി പബ്ലിക് പ്രോസിക്യൂട്ടര്‍ എ. ആര്‍. ഷാജി ഹാജരായി, അഡ്വ :ഷമീര്‍ എ വെമ്പായം, നീരജ് ആര്‍ എസ്, അസീം, അര്‍ച്ചന ആര്‍ തോമസ്, ഫാദിയ നസ്രിന്‍. ടി. എം. ഉദയന്‍.ആര്‍ തുടങ്ങിയവര്‍ ഹാജരായി.