കൊ​ച്ചി കാ​യ​ലി​ലെ സൗ​ന്ദ​ര്യം ഇ​നി ഹൗ​സ് ബോ​ട്ടി​ലൂ​ടെ ആ​സ്വ​ദി​ക്കാം. എ​ട്ട് ബെ​ഡ്‌​റൂ​മു​ക​ളും വി​ശാ​ല​മാ​യ കോ​ൺ​ഫ​റ​ൻ​സ് ഹാ​ളു​മു​ള്ള ഹൗ​സ് ബോ​ട്ട് വെ​ള്ളി​യാ​ഴ്ച വൈ​കുന്നേരം അ​ഞ്ചി​ന്​ മ​റൈ​ൻ ഡ്രൈ​വി​ലെ കൊ​ച്ചി​ൻ ബോ​ട്ട് ക്ല​ബ് ജെ​ട്ടി​യി​ൽ മു​ഖ്യ​മ​ന്ത്രി വി.​ഡി. സ​തീ​ശ​ൻ ഉ​ദ്‌​ഘാ​ട​നം ചെ​യ്യും. ഹൈ​ബി ഈ​ഡ​ൻ എം.​പി മു​ഖ്യാ​തി​ഥി​യാ​കും.

കൊ​ച്ചി കാ​യ​ലി​ൽ രാ​ത്രി ഉ​റ​ങ്ങാ​നു​ള്ള സൗ​ക​ര്യം ഉ​ൾ​പ്പെ​ടെ​യു​ള്ള ഉ​ള്ള ഹൗ​സ് ബോ​ട്ട് ഇ​താ​ദ്യ​മാ​യാ​ണ് സ​ർ​വീ​സി​നൊ​രു​ങ്ങു​ന്ന​ത്. ന​ഗ​ര, ഗ്രാ​മീ​ണ ഭം​ഗി ഒ​രു​പോ​ലെ ആ​സ്വ​ദി​ക്കാമെ​ന്ന​താ​ണ് സ​ൺ​റൈ​സ് ഹൗ​സ് ബോ​ട്ട് ക്രൂ​യീ​സി​ന്‍റെ പ്ര​ത്യേ​ക​ത.

ഒ​രേ​സ​മ​യം 24 പേ​ർ​ക്ക് താ​മ​സി​ക്കാം. വി​നോ​ദ സ​ഞ്ചാ​ര മേ​ഖ​ല​യി​ൽ ക​ഴി​ഞ്ഞ 20 വ​ർ​ഷ​മാ​യി പ്ര​വ​ർ​ത്തി​ക്കു​ന്ന ഗ്രീ​നി​ക്സ് എ​ക്സ്പീ​രി​യ​ൻ​സാ​ണ് സ​ൺ​റൈ​സ് എ​ന്ന​പേ​രി​ൽ ആ​ഡം​ബ​ര ഹൗ​സ് ബോ​ട്ട് അ​വ​ത​രി​പ്പി​ക്കു​ന്ന​ത്. പെ​പ്പ​ർ ഐ​ല​ൻ​ഡ് എ​ന്ന സ്വ​കാ​ര്യ ദ്വീ​പി​ൽ രാ​ത്രി ത​ങ്ങാ​നു​ള്ള സൗ​ക​ര്യ​വു​മു​ണ്ട്.