അഞ്ചു ദിവസത്തെ ഔദ്യോഗിക സന്ദര്ശനത്തിനായി ഉപരാഷ്ട്രപതി ഗ്വാട്ടിമാലയില്
അഞ്ച് ദിവസത്തെ തെക്കേ അമേരിക്കന് രാജ്യങ്ങളിലെ ഔദ്യോഗിക സന്ദര്ശനത്തിനായി ഉപരാഷ്ട്രപതി എം. വെങ്കയ്യനായിഡു ഗ്വാട്ടിമാലയില്. ഗ്വാട്ടിമാല വിദേശകാര്യ മന്ത്രി സാന്ദ്ര ജോവെലും ഇന്ത്യന് സ്ഥാനപതി സജീവ് ബാബു കുറുപ്പും ചേര്ന്ന് ഉപരാഷ്ട്രപതിയെ വിമാനത്താവളത്തില് സ്വീകരിച്ചു. ഗ്വാട്ടിമാല സൈന്യം നല്കിയ ഗാര്ഡ് ഓഫ് ഹോണര് ഉപരാഷ്ട്രപതി പരിശോധിച്ചു. ഗ്വാട്ടിമാല, പെറു, പനാമ എന്നീ തെക്കേ അമേരിക്കന് രാജ്യങ്ങളിലാണ് ഉപരാഷ്ട്രപതി അഞ്ചു ദിവസത്തെ സന്ദര്ശനം നടത്തുക
വ്യാപാരം, വാണിജ്യം, നിക്ഷേപം, ഐ.ടി, പരമ്പരാഗത വൈദ്യം, ബഹിരാകാശം, പ്രതിരോധം, സംസ്കാരം അടക്കമുള്ള വിഷയങ്ങളില് ഉഭയകക്ഷി ബന്ധം ശക്തിപ്പെടുത്തുകയാണ് സന്ദര്ശനം കൊണ്ട് ലക്ഷ്യമിടുന്നത്. കേന്ദ്ര ഗോത്രകാര്യ മന്ത്രി ജസ് വന്ത് സിങ് സുമന്ബാഹി ഭാഭര്, എം.പിമാര്, മുതിര്ന്ന ഉദ്യോഗസ്ഥര് അടക്കമുള്ളവര് ഉപരാഷ്ട്രപതിയെ അനുഗമിക്കും.
ഉപരാഷ്ട്രപതിയായ ശേഷം വെങ്കയ്യ നായിഡു നടത്തുന്ന ആദ്യ വിദേശ യാത്രയാണിത്. 2014 ജൂലൈയില് ബ്രസീലും 2016ല് മെക്സികോയും സന്ദര്ശിച്ച വേളയില് പ്രധാനമന്ത്രി നരേന്ദ്ര മോദി മറ്റ് തെക്കേ അമേരിക്കന് രാജ്യങ്ങളിലെ നേതാക്കളുമായി കൂടിക്കാഴ്ചകള് നടത്തിയിരുന്നു.
https://www.facebook.com/Malayalivartha
