അമേരിക്കന്‍ ഡോളറുമായുള്ള വിനിമയത്തില്‍ ഇന്ത്യന്‍ രൂപയ്ക്ക് കനത്ത തിരിച്ചടി നേരിട്ടു. തിങ്കളാഴ്ച രാവിലെ 10.20 ഓടെ രൂപയുടെ മൂല്യം 20 പൈസ ഇടിയുകയും ഡോളറിന് 67.06 എന്ന നിരക്കില്‍ എത്തിനില്‍ക്കുകയാണ്. 0.30% ഇടിവാണ് ഒറ്റയടിക്ക് നേരിടുന്നത്. 2017 ഫെബ്രുവരിയ്ക്ക് ശേഷമുള്ള ഏറ്റവും കുറഞ്ഞ നിരക്കാണിത്. എണ്ണവില ബാരലിന് 75 ഡോളറിന് മുകളില്‍ എത്തിയതെന്നും യു.എസും ഇറാനും തമ്മിലുള്ള രാഷ്ട്രീയ പ്രതിസന്ധിയും ഡോളറിന് ഡിമാന്‍ഡ് കൂടിയതും അമേരിക്കന്‍ വിപണി കരുത്താര്‍ജിക്കുന്നതുമാണ് രൂപയുടെ മൂല്യത്തകര്‍ച്ചയ്ക്കുള്ള പ്രധാന കാരണം. 

രാവിലെ 67.0850 എന്ന നിരക്കിലാണ് വ്യാപാരംആരംഭിച്ചതെങ്കിലും വൈകാതെ വീണ്ടും മൂല്യം ഇടിയുകയായിരുന്നു. വെള്ളിയാഴ്ച 66.86 എന്ന നിരക്കിലാണ് വിനിമയം അവസാനിപ്പിച്ചത്. റിസര്‍വ് ബാങ്ക് പ്രദേശിക ദേശാസാത്കൃത ബാങ്കുകള്‍ വഴി ഡോളറിന്റെ വിനിമയത്തില്‍ ഇടപെടാറുണ്ടായിരുന്നു. എന്നാല്‍ അടുത്തകാലത്താണ് പ്രദേശിക മാര്‍ക്കറ്റില്‍ റിസര്‍വ് ബങ്കിന്റെ ഇടപെടല്‍ കുറവാണെന്നും ഇതോടെ പണമിടപാടുകാര്‍ ഈ മേഖല കയ്യടക്കിയെന്നും ആരോപണം ഉയര്‍ന്നിട്ടുണ്ട്.
രുപയുടെ മൂല്യം ഇടിയാന്‍ കാരണം