അഫ്ഗാനില് ഭീകരര് തട്ടിക്കൊണ്ടു പോയ ഇന്ത്യക്കാരുടെ മോചനം ഉടന് സാധ്യമാകുമെന്ന് അഫ്ഗാന് വിദേശകാര്യമന്ത്രി
അഫ്ഗാനിസ്ഥാനില് ഭീകരര് റാഞ്ചി ബന്ദികളാക്കിയ ഏഴ് ഇന്ത്യന് എന്ജിനിയര്മാരുടെ മോചനത്തിനായി ഇന്ത്യന് സ്ഥാനപതി വിനയ് കുമാര് അഫ്ഗാന് വിദേശകാര്യമന്ത്രിയുമായി ചര്ച്ച നടത്തി. തട്ടിക്കൊണ്ടുപോയ ഇന്ത്യക്കാരുടെ മോചനം ഉടന് സാധ്യമാകും. ഇന്ത്യക്കാര്ക്ക് സുരക്ഷ ഉറപ്പാക്കുമെന്നും സലാഹുദ്ദീന് റബ്ബാനി പറഞ്ഞു. വൈദ്യുതവിതരണ കമ്പനിയായ കെഇസിയില് ജോലി ചെയ്തിരുന്ന ഇന്ത്യക്കാരെയും ഇവരുടെ അഫ്ഗാന് സ്വദേശിയായ െ്രെഡവറെയുമാണ് ആയുധങ്ങളുമായി എത്തിയ ഭീകരര് തട്ടിക്കൊണ്ടുപോയത്. ഇവര് എവിടെയാണെന്നതടക്കം ഒരു വിവരവും ലഭ്യമല്ല.
സര്ക്കാര് ഉദ്യോഗസ്ഥരാണെന്നു തെറ്റിദ്ധരിച്ച് താലിബാന്കാരാകാം തട്ടിക്കൊണ്ടുപോയതെന്നാണ് റിപ്പോര്ട്ട്. തട്ടിക്കൊണ്ടുപോയവരുടെ മോചനത്തിനായി ഇന്ത്യയിലെ വിദേശകാര്യമന്ത്രാലയവും അഫ്ഗാന് അധികൃതരുമായി ഊര്ജിതമായി ബന്ധം പുലര്ത്തിവരികയാണ്. ഇവരെ കണ്ടെത്താന് ഗോത്രനേതാക്കന്മാരുടെ സഹായം സര്ക്കാര് തേടിയിട്ടുണ്ട്.
https://www.facebook.com/Malayalivartha
