ഇന്ത്യയിലെ ഏറ്റവും വലിയ ഓണ്‍ലൈന്‍ റീട്ടൈല്‍ മാര്‍ക്കറ്റായ ഫ്ലിപ്കാർട്ടിനെ അ​മേ​രി​ക്ക​ൻ റീ​ട്ടെ​യ്‌​ല​ർ ഭീ​മ​ൻ വാ​ൾ​മാ​ർ​ട്ട് ഏ​റ്റെ​ടു​ത്തു. ഫ്ലിപ്കാർട്ടിന്റെ 77 ശതമാനം ഓഹരികളാണ് വാള്‍മാര്‍ട്ട് സ്വന്തമാക്കിയത്. 1,07200 കോടി രൂപയ്ക്കാണ് കമ്പനി ഓ​ഹ​രി വാ​ങ്ങി​ക്കൂ​ട്ടി​യി​രി​ക്കു​ന്നതെന്നാണ് റിപ്പോർട്ടുകൾ.

ഇ​ത്ര​യും വ​ലി​യ തു​ക​യ്ക്കു ഇ​ന്ത്യ​യി​ലെ ഒ​രു ക​മ്പ​നി​യെ ഏ​റ്റെ​ടു​ക്കു​ന്ന​ത് ഇതാദ്യ​മായാ​ണ്. ബുധനാഴ്ച ഉച്ചയോടെ സുപ്രധാന കരാറില്‍ ഇരു കമ്പനികളും ഒപ്പിട്ടതെന്ന് ബംഗളൂരു ആസ്ഥാനമായ ഫ്ലിപ്കാർട്ടില്‍ 23 ശതമാനം ഓഹരി പങ്കാളിത്തമുള്ള സോഫ്റ്റ് ബാങ്ക് സ്ഥിരീകരിച്ചു.

ഫ്ലിപ്കാർട്ടിലെ വ​ലി​യ നി​ക്ഷേ​പ​ക​രാ​യ ജ​പ്പാ​നി​ലെ സോ​ഫ്റ്റ്ബാ​ങ്കും അ​വ​രു​ടെ മു​ഴു​വ​ൻ ഓ​ഹ​രി​യും വാ​ൾ​മാ​ർ​ട്ടി​നു ന​ൽ​കി. നി​ല​വി​ല്‍ സോ​ഫ്റ്റ് ബാ​ങ്കി​നാ​യി​രു​ന്നു ഫ്ലിപ്കാർട്ടി​ല്‍ ഏ​റ്റ​വും കൂ​ടു​ത​ല്‍ ഓ​ഹ​രി​ക​ളു​ണ്ടാ​യി​രു​ന്ന​ത്. ബാം​ഗ്ലൂ​ര്‍ അ​ടി​സ്ഥാ​ന​മാ​യു​ള്ള ക​മ്പ​നി​യി​ല്‍ 23 ശ​ത​മാ​നം ഓ​ഹ​രി പ​ങ്കാ​ളി​ത്ത​മാ​യി​രു​ന്നു സോ​ഫ്റ്റ് ബാ​ങ്കി​നു​ണ്ടാ​യി​രു​ന്ന​ത്. സോ​ഫ്റ്റ് ബാ​ങ്കി​ന് പു​റ​മെ ടൈ​ഗ​ര്‍ ഗ്ലോ​ബ​ല്‍ മാ​നേ​ജ്‌​മെ​ന്‍റും അ​വ​രു​ടെ ഓ​ഹ​രി​ക​ള്‍ വി​റ്റൊ​ഴി​യും.

അ​മേ​രി​ക്ക​യും ചൈ​ന​യും ക​ഴി​ഞ്ഞാ​ൽ ഓ​ൺ​ലൈ​ൻ വി​പ​ണി​ക്ക് ഏ​റ്റ​വും വേ​രൊ​ട്ട​മു​ള്ള​ത് ഇ​ന്ത്യ​യി​ലാ​യ​തി​നാ​ൽ വാ​ൾ​മാ​ർ​ട്ട് ഇ​വി​ടെ അവസരം കാ​ത്തി​രി​ക്കു​കയായിരുന്നു. മു​മ്പ് ഭാ​ര​തി ഗ്രൂ​പ്പു​മാ​യി ചേ​ർ​ന്ന് വാ​ൾ മാ​ർ​ട്ട് ഇ​ന്ത്യ​ൻ വി​പ​ണി​യി​ലേ​ക്ക് പ്ര​വേ​ശി​ക്കാ​ൻ ശ്ര​മി​ച്ച​ത് വി​ജ​യ​മാ​യി​രു​ന്നി​ല്ല.

അതേസമയം ഇ കോമേഴ്‌സ് രംഗത്തെ പ്രാധാന എതിരാളിയായ ആമസോണ്‍ ഫ്ലിപ്കാർട്ടിനെ ഏറ്റെടുക്കാന്‍ മുന്നോട്ട് വന്നിരുന്നെങ്കിലും വാള്‍മാര്‍ട്ടുമായി ഡീല്‍ ഉറപ്പിക്കുയായിരുന്നു. ഗൂഗിളിന്റെ ആല്‍ഫബറ്റും ഫ്ലിപ്കാർട്ടിന്റെ അഞ്ച് ശതമാനം ഓഹരി വാങ്ങാനിരിക്കുകയാണ്.