ഇന്ത്യ പീഡന പരമ്പരകളില്‍ നാണംകെട്ടുനില്‍ക്കുന്നെങ്കിലും അത്തരം സാഹചര്യങ്ങള്‍ക്ക് ഒരു കുറവും ഉണ്ടാകുന്നില്ല. ഓരോ പതിനഞ്ച് മിനിറ്റിലും ഓരോ പെണ്‍കുട്ടികള്‍ വീതം പീഡിപ്പിക്കപ്പെടുന്നു എന്നാണ് കണക്കുകള്‍ വ്യക്തമാക്കുന്നത്. ഈ സാഹചര്യത്തില്‍ ഒരു പെണ്‍കുട്ടിക്കുകൂടി രണ്ടാനച്ഛനില്‍നിന്ന് നേരിടേണ്ടി വന്നിരിക്കുകയാണ്. പെണ്‍കുട്ടിയെ ക്രൂരമായി പീഡിപ്പിക്കുകയും ഭീക്ഷണിപ്പെടുത്തുകയും ചെയ്ത രണ്ടാനച്ഛന്‍ ഇപ്പോള്‍ പോലീസിന്റെ കസ്റ്റഡിയിലാണ്.

താന്‍ ആര്‍ത്തവമായതോടെയാണ് അതുവരെ അച്ഛാ എന്ന് വിളിച്ചിരുന്ന രണ്ടാനച്ഛന്റെ സ്വഭാവത്തില്‍ മാറ്റങ്ങള്‍ വന്ന് തുടങ്ങിയതെന്ന് പെണ്‍കുട്ടി പോലീസിന് നല്‍കിയ മൊഴിയില്‍ പറയുന്നു. പീഡനവിവരം അമ്മയോട് പറഞ്ഞാല്‍ വീട്ടുചെലവിന് പണം നല്‍കില്ലെന്നും അമ്മയെ കൊല്ലുമെന്നും ഭീഷിപ്പെടുത്തി. എന്നാല്‍ പെണ്‍കുട്ടി അമ്മയോട് വിവരം പറയുകയായിരുന്നു.

കുട്ടിയുടെ അമ്മ ജോലിക്കായ് പുറത്ത് പോയ സമയത്തായിരുന്നു രണ്ടാനച്ഛന്‍ പെണ്‍കുട്ടിയെ പീഡിപ്പിച്ചത്. സംഭവം നടന്ന് നാല് ദിവസത്തിന് ശേഷമായിരുന്നു അമ്മയോട് വിവരം പറഞ്ഞത്. അമ്മ ഭര്‍ത്താവിനെ ചോദ്യം ചെയ്തപ്പോള്‍ മദ്യലഹരിയില്‍ സംഭവിച്ചതാണെന്നും ഇനിയാവര്‍ത്തിക്കില്ലെന്നും കരഞ്ഞ് പറഞ്ഞു. അയാളുടെ വാക്ക് പെണ്‍കുട്ടിയും അമ്മയും വിശ്വസിച്ചു. എന്നാല്‍ ഇത് വീണ്ടും ആവര്‍ത്തിക്കുകയായിരുന്നു. അമ്മ ജോലിക്ക് പോയ സമയത്ത് രണ്ടാനച്ഛന്‍ പെണ്‍കുട്ടിയെ ക്രൂരമായി ഉപദ്രവിച്ചു.

രണ്ടാനച്ചനില്‍ നിന്ന് രക്ഷപെടാന്‍ കുളിമുറിയില്‍ കയറി കതകടച്ചിരുന്ന പെണ്‍കുട്ടിയെ അയാള്‍ കതക് പൊളിച്ച് പുറത്തിറക്കി. നിലവിളിച്ചെങ്കിലും സമീപത്തുണ്ടായിരുന്ന വീടുകളില്‍ നിന്ന് ആരും സഹായത്തിനെത്തിയില്ലെന്ന് പെണ്‍കുട്ടി പറയുന്നു. രാവിലെ പത്ത് മണി മുതല്‍ വൈകുന്നേരം പത്ത് മണി വരെ ഒരു റീട്ടെയില്‍ ഷോപ്പില്‍ ജോലി ചെയ്യുന്ന പെണ്‍കുട്ടിയുടെ അമ്മ തിരിച്ചെത്തിയപ്പോള്‍ പെണ്‍കുട്ടി നേരത്തെ ഉറങ്ങിയെന്നായിരുന്നു ഭര്‍ത്താവ് പറഞ്ഞത്. എന്നാല്‍ സംഭവം മനസിലാക്കിയ കുട്ടിയുടെ മാതാവ് പോലീസിനെ സമീപിക്കുകയായിരുന്നു.

പരാതി നല്‍കാന്‍ തങ്ങള്‍ക്ക് നിരവധി പോലീസ് സ്‌റ്റേഷനുകള്‍ കയറിയിറങ്ങേണ്ടി വന്നുവെന്നും പെണ്‍കുട്ടി ഒരു മാധ്യമത്തിന് നല്‍കി അഭിമുഖത്തില്‍ പറയുന്നു. പെണ്‍കുട്ടി ഇപ്പോള്‍ ചൈല്‍ഡ് ലൈന്‍ പ്രവര്‍ത്തകരുടെ സംരക്ഷണത്തിലാണ്.