സര്‍ക്കാരിന്റെ തലവനായ പ്രധാനമന്ത്രി സംസാരത്തിലുടെനീളം പ്രതിപക്ഷത്തെ പ്രത്യേകിച്ച്‌ ഇന്ത്യന്‍ നാഷണല്‍ കോണ്‍ഗ്രസ് പാര്‍ട്ടിയുടെ നേതാക്കളെ മോശമായ വാക്കുകള്‍ കൊണ്ട് ഭീഷണിപ്പെടുത്തുകയും അപമാനിക്കുകയുമാണ് ; മോഡിക്കെതിരെ രാഷ്ട്രപതിയോട് പരാതി പറഞ്ഞ് മന്‍മോഹന്‍ സിംഗ്
പ്രധാനമന്ത്രി നരേന്ദ്ര മോഡിക്കെതിരെ പരാതിയുമായി മുന്‍ പ്രധാനമന്ത്രിയും കോണ്‍ഗ്രസ് നേതാവുമായ ഡോ.മന്‍മോഹന്‍ സിംഗ്. ഇന്ത്യന്‍ നാഷണല്‍ കോണ്‍ഗ്രസ് പാര്‍ട്ടിയുടെ നേതാക്കളെ മോശമായ വാക്കുകള്‍ കൊണ്ട് ഭീഷണിപ്പെടുത്തുകയും അപമാനിക്കുകയുമാണെന്ന് ചൂണ്ടിക്കാട്ടി രാഷ്ട്രപതി രാം നാഥ് കോവിന്ദിന് കത്ത് നല്‍കി. കത്തില്‍ കോണ്‍ഗ്രസിലെ മറ്റ് മുതിര്‍ന്ന നേതാക്കളും ഒപ്പുവച്ചിട്ടുണ്ട്.
''രാജ്യത്തെ മുന്‍കാല പ്രധാനമന്ത്രിമാര്‍ എല്ലാം തന്നെ പൊതു സ്വകാര്യ പരിപാടികളില്‍ അങ്ങേയറ്റം അന്തസ്സും ഔചത്യവും പാലിച്ചിട്ടുണ്ട്. എന്നാല്‍ സര്‍ക്കാരിന്റെ തലവനായ പ്രധാനമന്ത്രി സംസാരത്തിലുടെനീളം പ്രതിപക്ഷത്തെ പ്രത്യേകിച്ച്‌ ഇന്ത്യന്‍ നാഷണല്‍ കോണ്‍ഗ്രസ് പാര്‍ട്ടിയുടെ നേതാക്കളെ മോശമായ വാക്കുകള്‍ കൊണ്ട് ഭീഷണിപ്പെടുത്തുകയും അപമാനിക്കുകയുമാണ്. ഭരണഘടന നല്‍കുന്ന പ്രത്യേക പദവി വഹിക്കുന്നയാളാണ് പ്രധാനമന്ത്രി. കേന്ദ്രമന്ത്രിയുടെ തലവനെന്ന നിലയില്‍ ഉത്തരവുകള്‍ നല്‍കുകയും ചെയ്യുന്നളാണ്. പ്രധാനമന്ത്രി എന്ന നിലയില്‍ അദ്ദേഹം ചെയ്ത സത്യപ്രതിജ്ഞയും ലംഘിച്ചിരിക്കുന്നു എന്നും മന്‍മോഹന്‍ സിംഗ് പരാതിയില്‍ പറയുന്നു.
2018 മേയ് ആറിന് കര്‍ണാടകയിലെ ഹൂബ്ലിയില്‍ തെരഞ്ഞെടുപ്പ് റാലിയില്‍ നടത്തിയ പ്രസംഗത്തിന്റെ വീഡിയോ ലിങ്ക് മന്‍മോഹന്‍ സിംഗ് പരാതിക്കൊപ്പം നല്‍കി. കോണ്‍ഗ്രസ് നേതാക്കളെ ഭീഷണിപ്പെടുത്തി നടത്തിയ പ്രസംഗം അങ്ങേയറ്റം അപലപനീയമാണ്. പ്രധാനമന്ത്രിയെ പോലെ ഒരാളില്‍ നിന്ന് ഉണ്ടാകാന്‍ പാടില്ലാത്ത ഭാഷയാണിത്. ഇത്തരം നടപടികള്‍ അംഗീകരിക്കാന്‍ കഴിയില്ല. സമാധാനം തകര്‍ക്കുന്നതിനും വ്യക്തികളെ അപകീര്‍ത്തിപ്പെടുത്തുന്നതുമായ ഭാഷയാണ് അദ്ദേഹം ഉപയോഗിക്കുന്നത്. രാജ്യത്തെ ഏറവ്വും പരമ്പര്യമുള്ള പാര്‍ട്ടിയായ കോണ്‍ഗ്രസ് നിരവധി ഭീഷണികളും വെല്ലുവിളികളുമാണ് നേരിടുന്നത്. എന്നാല്‍ അവ നേരിടുന്നതില്‍ കോണ്‍ഗ്രസ് നേതൃത്വം അസാമാന്യമായ ധൈര്യമാണ് പ്രകടിപ്പിക്കുന്നത്. ഇത്തരം ഭീഷണികൊണ്ട് പാര്‍ട്ടിയേയോ ഏതെങ്കിലും നേതാവിനെയോ ഇല്ലാതാക്കാന്‍ കഴിയില്ലെന്നും മന്‍മോഹന്‍ സിംഗ് പറയുന്നു.
https://www.facebook.com/Malayalivartha
