ഭരണവിരുദ്ധ വികാരമുണ്ടെന്ന പ്രതിപക്ഷ പ്രചാരണങ്ങൾക്കിടയിലും, എൽഡിഎഫ് എംഎൽഎമാർക്ക് ജനങ്ങൾക്കിടയിലുള്ള സ്വീകാര്യതയ്ക്ക് യാതൊരു കോട്ടവും തട്ടിയിട്ടില്ലെന്ന് 'ന്യൂ ഇന്ത്യൻ എക്സ്പ്രസ്' റിപ്പോർട്ട് ചെയ്യുന്നതായി ബിനീഷ് കോടിയേരി. ഫേസ്ബുക്കിലൂടെയാണ് ബിനീഷിന്റെ പ്രതികരണം;

ജനഹൃദയങ്ങളിൽ എൽഡിഎഫ് തന്നെ; എംഎൽഎമാരുടെ ജനപ്രീതിയിൽ ഞെട്ടിത്തരിച്ച് യുഡിഎഫ്! ഭരണവിരുദ്ധ വികാരമുണ്ടെന്ന പ്രതിപക്ഷ പ്രചാരണങ്ങൾക്കിടയിലും, എൽഡിഎഫ് എംഎൽഎമാർക്ക് ജനങ്ങൾക്കിടയിലുള്ള സ്വീകാര്യതയ്ക്ക് യാതൊരു കോട്ടവും തട്ടിയിട്ടില്ലെന്ന് 'ന്യൂ ഇന്ത്യൻ എക്സ്പ്രസ്' റിപ്പോർട്ട് ചെയ്യുന്നു. ഗുജറാത്ത് ആസ്ഥാനമായുള്ള ഏജൻസി നടത്തിയ സർവേ ഫലം യുഡിഎഫ് കേന്ദ്രങ്ങളിൽ വലിയ അമ്പരപ്പാണ് ഉണ്ടാക്കിയിരിക്കുന്നത്.

സിറ്റിംഗ് എംഎൽഎമാർ മണ്ഡലങ്ങളിൽ നിലനിർത്തുന്ന വൻ ജനപിന്തുണ പ്രതിപക്ഷത്തിന്റെ കണക്കുകൂട്ടലുകൾ തെറ്റിക്കുന്നു. കോൺഗ്രസ് തിരഞ്ഞെടുപ്പ് തന്ത്രജ്ഞനായ സുനിൽ കനഗോലു പോലും ഇക്കാര്യത്തിൽ കോൺഗ്രസ് നേതൃത്വത്തിന് മുന്നറിയിപ്പ് നൽകി കഴിഞ്ഞു. ജനകീയരായ എംഎൽഎമാരുടെ കരുത്തിൽ എൽഡിഎഫ് മുന്നേറുന്നത് യുഡിഎഫിന്റെ ഉറക്കം കെടുത്തുകയാണ്.