പ്രധാനമന്ത്രിയുടെ ക്ഷണം സ്വീകരിച്ച് തിരുവനന്തപുരത്തെ കോർപ്പറേഷൻ കൗൺസിലർമാർ നടത്തുന്ന ഡൽഹി യാത്രയുടെ പൂർണ്ണ ചിലവും വഹിക്കുന്നത് ബി ജെ പി യാണന്നും കോർപ്പറേഷൻ ഫണ്ട് ഉപയോഗിച്ചല്ലന്നും ബിജെപി സിറ്റി ജില്ല അദ്ധ്യക്ഷൻ കരമന ജയൻ പറഞ്ഞു.

പ്രധാനമന്ത്രിയും കേന്ദ്ര മന്ത്രിമാരും ഉൾപ്പടെയുള്ള കേന്ദ്ര സർക്കാർ പ്രതിനിധിളുമായി കൂടികാഴ്ച നടത്തി തലസ്ഥാനത്തും സംസ്ഥാനത്തും വികസനവും പുതിയ അവസരങ്ങളും കൂടുതലായി കൊണ്ടു വരിക എന്ന ഉദ്ദേശത്തോടെ നാടിന് വേണ്ടി ബിജെപിയുടെ ഫണ്ട് ഉപയോഗിച്ച് നടത്തുന്ന കൗൺസിലർമാരുടെ യാത്ര ഇതിനകം തന്നെ ജന ശ്രദ്ധ ആകർഷിച്ച് കഴിഞ്ഞു.

സർക്കാർ ഫണ്ട് ദുരുപയോഗം ചെയ്യുന്ന രീതി സിപിഎമ്മിനാണെന്നും, ബി ജെ പി കോർപ്പറേഷൻ കൗൺസിലർമാരുടെ ഡൽഹി യാത്രയെ മോശമാക്കി ചിത്രീകരിച്ച് പ്രചാരണം നടത്തുന്നവർ മൂഢ സ്വർഗ്ഗത്തിലാണന്നും, അത്തരക്കാർ മറുപടി അർഹിക്കുന്നില്ലന്നും കരമന ജയൻ പറഞ്ഞു