ചൂരൽമല ടൗൺഷിപ്പ് സന്ദർശനത്തിനിടെ തന്റെയൊപ്പം നടന്ന സിപിഎം വയനാട് ജില്ലാ സെക്രട്ടറി കെ. റഫീഖിനോട് നീരസം പ്രകടിപ്പിച്ച നടൻ മമ്മൂട്ടിക്കെതിരേ രൂക്ഷമായ സൈബർ ആക്രമണം നടക്കുകയാണ്.   ഉൾപ്പെടെയുള്ള ഇടത് അനുകൂല ഹാൻഡിലുകളിൽ അതിരൂക്ഷമായ വിമർനശമുയർത്തിയുള്ള പോസ്റ്റുകൾ നിറയുകയാണ്.

റഫീഖിനൊപ്പം....!

മമ്മുട്ടി എന്ന നടൻ വയനാട് ദുരന്ത ഭൂമിയിൽ ആദ്യമായി ഇന്നെത്തിയതാണ്. അതേ ഭൂമിയിൽ ആയിരം വട്ടം ചവിട്ടിയവനാണ് റഫീഖ്. ആ റഫീഖ് മമ്മൂട്ടിയെന്ന നടനോടുള്ള താല്പര്യമൊന്നുകൊണ്ട് മാത്രം കൂടെ നടന്നവനാണ്. മമ്മൂട്ടിക്ക് ആന്റോയും പിഷാരടിയും പോലുള്ള പരിവാരങ്ങളെ അകമ്പടി സേവിക്കാൻ പാടുള്ളൂ എന്ന് ഇനിയെങ്കിലും നാട്ടുകാർ മനസ്സിലാക്കി കൊള്ളണം.

ഒരാൾ കൂടെ നടന്നതുകൊണ്ട് അവർക്ക് വേണ്ടിയാണ് താൻ വന്നതെന്ന് വിചാരിക്കും പോലും! വയനാട് ടൗൺഷിപ്പ് യഥാർഥ്യമാക്കിയ LDF സർക്കാരിലെ സിപിഎമ്മിന്റെ വയനാട് ജില്ലാ സെക്രട്ടറിയാണ് റഫീഖ്. കൂടെ നടന്നതുകൊണ്ട് ജനങ്ങൾക്ക് വേണ്ടി പ്രവർത്തിച്ചവന് വേണ്ടിയാണ് മമ്മൂട്ടി വന്നതെന്ന് ഇനി ജനത്തിന് തോന്നിയാലും എന്താണ് കുഴപ്പം!

സംഗതി ഞമ്മക് ഇഷ്ട്ടപെട്ട നടൻ ഒക്കെ ആണ് മമ്മുട്ടി എന്നിരുന്നാലും ഈ അവസരത്തിൽ ഇത് പറയാതിരിക്കാതെ വയ്യ .ഏത് നടനായാലും പുണ്യാത്മാവായാലും നിൽക്കേണ്ടിടത്ത് നിൽക്കണം. അല്ലെങ്കിൽ പുല്ലിന്റെ വില പോലുമുണ്ടാവില്ല!

മറ്റൊരു പോസ്റ്റ് ഇങ്ങനെ;

മിസ്റ്റർ മമ്മൂട്ടി... നിങ്ങൾ പ്രകൃതിദുരന്തം മനുഷ്യനെ വിഴുങ്ങുന്ന ഇടങ്ങളിൽ രക്ഷാപ്രവർത്തനങ്ങൾക്ക് നേരിട്ട് പോയിട്ടുണ്ടാവില്ല! അവിടെ ജീവനുവേണ്ടി നിലവിളിക്കുന്ന മനുഷ്യരെ കണ്ടിട്ടും ഉണ്ടാവില്ല! പക്ഷേ അങ്ങനെയുള്ളവരെ ജീവൻ പണയം വെച്ച് രക്ഷപ്പെടുത്തിയിട്ടുള്ള... ചേർത്ത് നിർത്തിയിട്ടുള്ള ഒരുപാട് ചെറുപ്പക്കാർ ഈ കേരളത്തിലുണ്ട്. എല്ലാ രാഷ്ട്രീയ പാർട്ടിയിലും പെട്ട എന്തിനും സദാസന്നദ്ധരായ മനുഷ്യർ!

അവരിൽ ഒരാളെ പോലും ഒരു വാക്കുകൊണ്ട് മാറിനിൽക്കാൻ പറയാൻ നിങ്ങൾക്ക് യാതൊരു യോഗ്യതയും ഇല്ല! സ്വർഗ്ഗത്തിൽനിന്ന് നേരിട്ട് നടനായി ഭൂമിയിലേക്ക് ഇറങ്ങിവന്ന ആളല്ല നിങ്ങൾ! സാധാരണ കാരായ മനുഷ്യരുടെ വിയർപ്പിന്റേയും ചോരയുടേയും മണം ഉള്ളതാണ് നിങ്ങൾക്ക് കിട്ടുന്ന പ്രതിഫലം! മനുഷ്യരെ തിരിച്ചറിയാൻ കഴിഞ്ഞില്ലെങ്കിൽ പിന്നെ എന്ത് കലാകാരൻ? എന്ത് മഹാനടൻ? ഒരുമയുടെയും സാഹോദര്യത്തിന്റെയും വിയർപ്പ് വീണ മണ്ണിൽ വന്നു നിന്ന് ഏതു തമ്പുരാൻ കൊമ്പു കുലുക്കിയാലും.പുശ്ചിച്ച്തള്ളും...