ഖത്തറിൽ ആദ്യ വാനനിരീക്ഷണ കേന്ദ്രം സന്ദർശകർക്കായി തുറന്നു
ആകാശക്കാഴ്ചകളുടെ വിസ്മയക്കാഴ്ചകളുമായി ‘കതാറ’. ഖത്തറിലെ ആദ്യ വാനനിരീക്ഷണ കേന്ദ്രമായ ‘കതാറ’ ഡിസംബർ 20 നു സന്ദര്ശകര്ക്കായി തുറന്നുകൊടുത്തു. ഖത്തറിന്റെ ദേശീയ ദിനം പ്രമാണിച്ചാണ് ഉദ്ഘാടനം നടന്നത് . വിവിധ രാജ്യങ്ങളുടെ നയതന്ത്ര പ്രതിനിധികളുടെ സന്നിധ്യത്തില് ആണ് പ്ലാനിറ്റോറിയം സന്ദർശകർക്കായി തുറന്നത്
ക്ഷീരപഥങ്ങളുടെ 3 ഡി രൂപം കാണുന്നതിനുള്ള സൗകര്യം പ്ലാനിറ്റോറിയത്തിലുണ്ട്. മറ്റു പ്ലാനിറ്റോറിയങ്ങളിലെ വിവരങ്ങള് സന്ദര്ശകര്ക്ക് ലഭ്യമാക്കുന്നതിനുള്ള ഡിജിസ്റ്റാര് സംവിധാനവും ഇവിടെയുണ്ട്.
സൗരയൂഥ മാതൃകകള്, സ്പേസ് യൂണിഫോം മാതൃകകള്, സൗരയൂഥത്തെ സംബന്ധിക്കുന്ന ശാസ്ത്രീയ വിവരങ്ങള് എന്നിവയും ഇവിടെ സന്ദര്ശകര്ക്കായി ഒരുക്കിയിരിക്കുന്നു.
ഖത്തറിന്റെ വിനോദ സഞ്ചാര മേഖലയ്ക്ക് പ്ലാനറ്റോറിയം മുതല്ക്കൂട്ടാകുമെന്നാണ് അധികൃതരുടെ പ്രതീക്ഷ. വിനോദവും വിജ്ഞാനവും പ്രധാനം ചെയ്യുന്ന പ്ലാനറ്റോറിയത്തിലേക്ക് ദിനംപ്രതി നൂറുകണക്കിന് പേരാണ് സന്ദര്ശത്തിനെത്തുന്നത്. ബഹിരാകാശ അറിവുകള്ക്കപ്പുറം ഭൂമിയെക്കുറിച്ചും കടലുകളെക്കുറിച്ചും സൂര്യനെ സംബന്ധിച്ചും ഒട്ടേറെ ശാസ്ത്രീയ വിവരങ്ങള് പ്ലാനറ്റോറിയത്തില് സജ്ജീകരിച്ചിട്ടുണ്ട്.
https://www.facebook.com/Malayalivartha
