സ്വകാര്യ കമ്പനികളുടെ യഥാര്‍ഥ ഗുണഭോക്താവായ ഉടമ അതായത് യുബിഒ, അള്‍ട്ടിമേറ്റ് ബെനിഫിഷ്യല്‍ ഓണര്‍ ആരാണെന്നു വിവരം നല്‍കാത്ത കമ്പനികള്‍ക്കെതിരെ പിഴ നല്‍കിത്തുടങ്ങിയതായി ദുബായ് ഇക്കണോമി അധികൃതര്‍ വ്യക്തമാക്കിയിരിക്കുകയാണ്. വിവരം നല്‍കാനുള്ള അവസാന ദിവസം ജൂണ്‍ 30ആയിരുന്നു.

. ദുബായ് ഇക്കണോമിയിലെ ദ് കൊമേഴ്‌സ്യല്‍ കംപ്ലെയിന്റ്‌സ് ആന്‍ഡ് കണ്‍സ്യൂമര്‍ പ്രൊട്ടക്ഷന്‍ വിഭാഗമാണു പിഴ ചുമത്തുന്നത്.

യുഎഇ മന്ത്രി സഭാ തീരുമാനം അനുസരിച്ചു യഥാര്‍ഥ ഉടമയെ കമ്പനികള്‍ വെളിപ്പെടുത്തിയിരിക്കണം. ദുബായില്‍ റജിസ്റ്റര്‍ ചെയ്തിരിക്കുന്ന കമ്പനികള്‍ ദുബായ് ഇക്കണോമിയുടെ വേേു:െ//ലലെൃ്ശരല.െറൗയമശറലറ.ഴീ്.മല/ആലിലളശരശമൃ്യഛംിലൃപേജില്‍ അടിയന്തരമായി വിവരങ്ങള്‍ നല്‍കണമെന്ന് അധികൃതര്‍ അറിയിച്ചു. 971 4 445 5555 എന്ന കോള്‍സെന്റര്‍ നമ്പരിലും വിവരങ്ങള്‍ നല്‍കാം. ഇതു സംബന്ധിച്ച വിവരങ്ങള്‍ക്ക് ശിളീ@റൗയമശറലറ.ഴീ്.മല എന്ന മെയിലില്‍ ബന്ധപ്പെടാവുന്നതാണ്.


ദുബായ് ഇക്കണോമിയുടെ അംഗീകൃത സേവന കേന്ദ്രങ്ങളിലും വിവരമറിയാന്‍ സാധിക്കും . സര്‍ക്കാര്‍ ഉടമസ്ഥതയിലുള്ള കമ്പനികള്‍ക്ക് ഇതു ബാധകമല്ല.അംഗീകൃത സ്‌റ്റോക് എക്‌സ്‌ചേഞ്ചുകളില്‍ ലിസ്റ്റ് ചെയ്തിട്ടുള്ള കമ്പനികളെയും അവരുടെ ഉടമസ്ഥതയിലുള്ള ഉപ കമ്പനികളെയും ഒഴിവാക്കിയിട്ടുണ്ട് എന്നത് ശ്രദ്ധേയമായ കാര്യമാണ്. യഥാര്‍ഥ ഉടമയുടെ പേര്, രാജ്യം, ജനിച്ച സ്ഥലം, മേല്‍വിലാസം തുടങ്ങിയവയെല്ലാം നല്‍കണം. യാത്രാവിവരങ്ങള്‍, തിരിച്ചറിയല്‍ കാര്‍ഡുകള്‍ തുടങ്ങിയവയും റജിസ്റ്ററില്‍ ഉള്‍പ്പെടുത്തണം.



ഉടമസ്ഥാവകാശം സംബന്ധിച്ച മാറ്റങ്ങള്‍ ഉണ്ടാകുമ്പോള്‍ 15 ദിവസത്തിനുള്ളില്‍ വിവരം അധികൃതരെ അറിയിക്കണമെന്നും നിര്‍ദേശം നല്‍കിയിട്ടുണ്ട്.കള്ളപ്പണം വെളുപ്പിക്കല്‍,വ്യാജ കടലാസ് കമ്പനികള്‍ എന്നിവയ്‌ക്കെതിരെ നടപടികള്‍ ശക്തമാക്കുന്നതിന്റെ ഭാഗമായാണിത് .

ആരാണ് യുബിഒ എന്ന് നോക്കാം :ഒരു സ്ഥാപനത്തിന്റെ 25% ഓഹരികളെങ്കിലും കൈവശം ഉള്ളവര്‍, വോട്ടിങ് അധികാരമുള്ളവര്‍, ഉദ്യോഗസ്ഥരെ നിയമിക്കാനും മറ്റും അവകാശമുള്ളവര്‍ തുടങ്ങിയവരെല്ലാം യുബിഒ ആണ്.ഇങ്ങനെ നേരിട്ട് ഉടമസ്ഥതയുള്ള ആളില്ലെങ്കില്‍ മാനേജ്‌മെന്റ് പ്രതിനിധികളാവും യുബിഒ.