വിദേശ ജോലി വാഗ്ദാനം ചെയ്ത് തട്ടിപ്പ് നടത്തിയ സംഘം അറസ്റ്റില്; ജോലിയും ശമ്പളവും വര്ക്ക് പെര്മിറ്റും നാല്കാതെയും പാസ്പോര്ട്ട് അനധികൃതമായി തടഞ്ഞുവച്ചുമാണ് ഉദ്യോഗാര്ഥികളെ കബളിപ്പിച്ചിരുന്നതെന്ന് പൊലീസ്
വിദേശ ജോലി വാഗ്ദാനം ചെയ്ത് തട്ടിപ്പ് നടത്തിയ സംഘം അറസ്റ്റില്. മലേഷ്യ, ദുബായ്, ഇസ്രയേല് തുടങ്ങി നിരവധി രാജ്യങ്ങളിലേക്ക് ജോലി വാഗ്ദാനം ചെയ്ത് പണം വാങ്ങിയശേഷം വിസിറ്റിങ് വിസയില് ആളുകളെ കൊണ്ടുപോയി ജോലിയും ശമ്പളവും വര്ക്ക് പെര്മിറ്റും നാല്കാതെയും പാസ്പോര്ട്ട് അനധികൃതമായി തടഞ്ഞുവച്ചുമാണ് ഉദ്യോഗാര്ഥികളെ കബളിപ്പിച്ചിരുന്നതെന്ന് പൊലീസ് പറയുന്നു.
എറണാകുളം രവിപുരത്ത് പ്രവര്ത്തിച്ചിരുന്ന സ്ഥാപനത്തിന്റെ നടത്തിപ്പുകാരായ കോട്ടയം സ്വദേശി സുമിത് നായര്,കണ്ണൂര് സ്വദേശികളായ ദിവിഷിത്,ശ്രീരാഗ്, മലപ്പുറം സ്വദേശി റഫീന എന്നിവരെയാണ് കൊച്ചി സിറ്റി പോലിസ് അറസ്റ്റു ചെയ്തത്. ഓണ് ലൈന് സൈറ്റായ ഒഎല്എക്സിലൂടെ പരസ്യം ചെയ്താണ് ഇവര് ഉദ്യോഗാര്ഥികളെ ആകര്ഷിച്ചിരുന്നതെന്ന് പോലിസ് പറഞ്ഞു. നിലവില് പാസ്പോര്ട്ടും വര്ക്ക് വിസയും ഇല്ലാത്തതിനാല് ഏഴോളം പേര് മലേഷ്യയില് ഒളിവില് കഴിയുകയാണെന്നാണ് റിപ്പോര്ട്ട്. ഇവരെ ഉടന് നാട്ടില് തിരികെയെത്തിക്കാന് വേണ്ട നടപടികള് സ്വീകരിക്കുമെന്ന് പോലീസ് അറിയിച്ചു. അറസ്റ്റിലായ പ്രതികളെ കോടതിയില് ഹാജരാക്കി റിമാന്ഡ് ചെയ്തു.
https://www.facebook.com/Malayalivartha
