കളി കാര്യമായി... ക്ലോസറ്റിലെ വെള്ളം ഉയോഗിച്ച് ചായ ഉണ്ടാക്കി ഭാര്യയ്ക്ക് നല്കിയ യുവാവ് പിടിയില്
സ്നാപ് ചാറ്റിലൂടെ വൈറലാകാന് വേണ്ടി യുവാവ് കാട്ടിയ ട്രിക്സിന് സൗദിപോലീസ് പണികൊടുത്തിരിക്കുകയാണ്. ക്ലോസറ്റിലെ വെള്ളം ഉയോഗിച്ച് ഭാര്യയ്ക്ക് ചായ ഉണ്ടാക്കി നല്കുന്ന ദൃശ്യം ചിത്രീകരിച്ച് സ്നാപ് ചാറ്റിലൂടെ യുവാവ് പ്രചരിപ്പിച്ചു. സംഭവം ശ്രദ്ധയില്പ്പെട്ടതോടെ ഇയാളെ പൊലീസ് അറസ്റ്റ് ചെയ്തു. സൗദിയില് സാമൂഹിക മാധ്യമങ്ങളിലെ സെലിബ്രിറ്റിയായ ഹാനി അല്ഹല്വാനിയെയാണ് മക്ക പൊലീസ് അറസ്റ്റ് ചെയ്തത്.
തമാശയ്ക്ക് വേണ്ടിയാണ് ഇത്തരത്തില് ചായയുണ്ടാക്കി ഭാര്യയ്ക്ക് നല്കിയതെന്ന വിശദീകരണമാണ് മറ്റൊരു വീഡിയോയില് ഹാനി അല്ഹല്വാനി നല്കുന്നത്. ഭാര്യ എതിര്ത്തതോടെ ആദ്യത്തെ വീഡിയോ തന്റെ അക്കൗണ്ടില് നിന്നും നീക്കിയെന്നും ഇയാള് പറഞ്ഞു.
അതേസമയം ഹാനി അല്ഹല്വാനിയുടെ ഫോളോവേഴ്സില് ഭൂരിഭാഗവും കൗമാരക്കാരാണ് ഇവര് ഇയാളെ അനുകരിക്കാന് സാധ്യതയുണ്ടെന്നും അത് വലിയ അപകടമായി മാറിയേക്കാമെന്നും സോഷ്യല് മീഡിയ ഉപയോക്താക്കള് അധികൃതര്ക്ക് മുന്നറിയിപ്പ് നല്കി.
https://www.facebook.com/Malayalivartha