കോവിഡിനെ പ്രതിരോധിക്കാന് അബുദാബിയില് നിയന്ത്രണങ്ങള് കര്ശനമാക്കി
കൊവിഡ് 19 വൈറസ് ബാധയെ തുരത്താന് അബുദാബിയില് നിയന്ത്രണങ്ങള് കര്ശനമാക്കി.തൊഴിലാളികളുടെ സുരക്ഷ മുന്നിര്ത്തിയാണ് ഈ തീരുമാനമെന്നും അധികൃതര് അറിയിച്ചു. അബുദാബിയിലെ തൊഴിലാളികള്ക്ക് അവിടെ നിന്ന് മറ്റ് എമിറേറ്റുകളില് പോകാന് നിയന്ത്രണം ഏര്പ്പെടുത്തി. വിലക്ക് ലംഘിക്കുന്ന സ്ഥാപനങ്ങളില് നിന്ന് 10,000 ദിര്ഹം വരെ പിഴ ഈടാക്കുമെന്നും അധികൃതര് അറിയിച്ചിട്ടുണ്ട്. ഇതോടൊപ്പം ജോലി നടക്കുന്ന സ്ഥലം അടച്ചിടും. ഇത് സംബന്ധിച്ച സര്ക്കുലര് അബുദാബി സാമ്ബത്തിക വികസന വകുപ്പ് എല്ലാ സ്ഥാപനങ്ങളും അയച്ചിട്ടുണ്ട്. മറ്റ് എമിറേറ്റുകളില് ജോലി ചെയ്യുന്ന തൊഴിലാളികളെ അബുദാബിയിലേക്ക് കൊണ്ടുവരരുതെന്നും അബുദാബിയില് ജോലി ചെയ്യുന്നവരെ മറ്റ് എമിറേറ്റുകളിലേക്ക് കൊണ്ട് പോകരുതെന്നുമാണ് കമ്ബനികളോട് ആവശ്യപ്പെട്ടിരിക്കുന്നത്. ഇത് പരിശോധിക്കാനായി പൊലീസ് ചെക്ക് പോയിന്റുകള് സ്ഥാപിക്കും.
https://www.facebook.com/Malayalivartha
