കുവൈത്തില്‍ ഇന്ന് 215 പേര്‍ക്കു കൂടി കൊറോണ സ്ഥിരീകരിച്ചതായി റിപ്പോര്‍ട്ട്. ഇതില്‍ 85 പേര്‍ ഇന്ത്യക്കാരാണ്. ഇതോടെ രാജ്യത്തെ ആകെ കൊറോണ വൈറസ് രോഗികളുടെ എണ്ണം 2614 ആയതായി ആരോഗ്യമന്ത്രാലയം വ്യക്തമാക്കി.

ഇന്ന് ഒരു മരണം കൂടി സ്ഥിരീകരിച്ചു. ഇതോടെ രാജ്യത്ത് ആകെ മരിച്ചവരുടെ എണ്ണം 15 ആയി. ഇന്ന് രോഗം സ്ഥിരീകരിച്ചവരില്‍ 7 പേര്‍ക്ക് യാത്രയിലൂടെയും 198 പേര്‍ക്ക് രോഗബാധിതരുമായുള്ള സമ്പര്‍ക്കത്തിലൂടെയുമാണ് രോഗം പകര്‍ന്നത്. 60 പേര്‍ തീവ്രപരിചരണ വിഭാഗത്തില്‍ ചികിത്സയിലുണ്ട്. ഇവരില്‍ 27 പേരുടെ നില ഗുരുതരമാണ്. 33 പേര്‍ സുഖം പ്രാപിച്ചു വരുന്നതായി ആരോഗ്യമന്ത്രാലയം അറിയിച്ചു.