രതിമൂര്‍ച്ഛാരംഗം അഭിനയിക്കുന്നതിന് കരണ്‍ ജോഹര്‍ അഭിനേതാക്കള്‍ക്ക് നല്‍കുന്ന രസകരമായ ടിപ്
ഇന്ത്യന്‍ ടെലിവിഷനിലെ തന്നെ ഏറ്റവും വലിയ ഹിറ്റ് ചാറ്റ് ഷോകളില്‍ ഒന്നാണ്, ബോളിവുഡിലെ ഹിറ്റ് സംവിധായകനും നിര്‍മാതാവും തിരക്കഥാകൃത്തുമൊക്കെയായ കരണ്‍ ജോഹര്‍ അവതാരകനായെത്തുന്ന ചാറ്റ് ഷോ, കോഫി വിത്ത് കരണ്‍.
2004-ല്‍ തുടങ്ങിയ പരിപാടി ഇപ്പോള്‍ ആറാമത്തെ സീസണില്‍ എത്തിയിരിക്കുകയാണ്. ബോളിവുഡിലെ പ്രമുഖരെല്ലാം പങ്കെടുക്കുന്ന ഷോയില്‍ ഒളിവും മറയുമില്ലതെ എന്തിനെക്കുറിച്ചും ചോദ്യങ്ങള്‍ ചോദിക്കുകയും വരുന്ന അതിഥികളെ കൊണ്ട് അതിനൊക്കെ ഉത്തരം പറയിക്കുകയും ചെയ്യാറുണ്ട് കരണ്‍.
എന്നാല്‍, കഴിഞ്ഞ ദിവസം തന്റെ അവതാരക വേഷം മാറ്റിവച്ച് ഒരു ചാറ്റ് ഷോയില്‍ കരണ്‍ അതിഥിയായി എത്തി. നടി നേഹ ധൂപിയ അവതാരകയായെത്തുന്ന ചാറ്റ് ഷോയിലെത്തിയ കരണ്‍ ലൈംഗികതയെകുറിച്ച് നടത്തിയ ചില പരാമര്‍ശങ്ങളും ബോളിവുഡിലെ പ്രമുഖ താരങ്ങള്‍ക്ക് നല്‍കിയ ചില ഉപദേശങ്ങളും ഇപ്പോള്‍ വന്‍ ഹിറ്റായിരിക്കുകയാണ്.
ഏറ്റവും നല്ല രീതിയില്‍ രതിമൂര്‍ച്ഛ അഭിനയിച്ച് കാണിക്കാന്‍ കരണ്‍ താരങ്ങള്‍ക്ക് നല്‍കുന്ന ഉപദേശമാണ് വന്‍ ചര്‍ച്ചയായത്. അത്തരം രംഗം എടുക്കുന്നതിന്റെ തലേന്ന് രാത്രി വയറിന് അസ്വസ്ഥത ഉണ്ടാക്കുന്ന ഭക്ഷണം കഴിച്ച് വയറിളക്കം എത്തുന്ന ഘട്ടം വരെ എത്തിക്കുക. അടുത്തൊന്നും കക്കൂസ് ഉണ്ടാകുകയും അരുത്. ആ സ്ഥിതിയിലായിരിക്കുമ്പോള്‍ മുഖത്ത് വരുന്ന ഭാവം അതിന് കൃത്യമായിരിക്കും, എന്നായിരുന്നു കരണിന്റെ ഉപദേശം.
വിചിത്രമായ പല കളര്‍ കോമ്പിനേഷനുകളും ഡിസൈനുകളും പരീക്ഷിക്കുന്ന കരണിന്റെ അതിമാരകമായ ഫാഷന്‍ ഭ്രമങ്ങളും ഇഷ്ടങ്ങളും ബോളിവുഡില്‍ അങ്ങാടിപ്പാട്ടാണ്. താന്‍ ഒരു ദിവസം മൂന്നു തവണ അടിവസ്ത്രം മാറ്റുമെന്നാണ് കരണ്‍ ഇപ്പോള്‍ വെളിപ്പെടുത്തിയിരിക്കുന്നത്. എല്ലാ നേരവും ഒരേ അടിവസ്ത്രം ധരിക്കാന്‍ താല്‍പര്യമില്ലാത്തതാണ് അതിന് കാരണമെന്ന് പറയുന്നു കരണ്‍.
ബോളിവുഡിലെ ഫാഷനിസ്റ്റായി അറിയപ്പെടുന്ന സോനം കപൂറിന് ഒരു മുന്നറിയിപ്പും കരണ്‍ നല്‍കുന്നുണ്ട്. തന്റെ വരവോടെ സോനത്തിന് ആ സ്ഥാനം നഷ്ടപ്പെടുമെന്നും സോനം കരുതിയിരിക്കണമെന്നുമാണ് കരണ്‍ പറയുന്നത്.
https://www.facebook.com/Malayalivartha
