ചെറിയ മത്സ്യബന്ധന ബോട്ട് പൊട്ടിത്തെറിച്ചുണ്ടായ ഭീകര അപകടത്തിന്റെ ദൃശ്യങ്ങള്‍ പുറത്ത്.

മെക്‌സിക്കോയിലെ ഒരു പ്രശസ്ത വിനോദസഞ്ചാര കേന്ദ്രത്തിലാണ് സംഭവം നടന്നത്.

ഇന്ധനം നിറച്ചുകൊണ്ടിരിക്കെ വലിയ ശബ്ദത്തോടെ ബോട്ട് പൊട്ടിത്തെറിക്കുകയായിരുന്നു.

ബോട്ടിനുള്ളിലും അതിന്റെ സമീപത്തുമായി രണ്ടുപേര്‍ അപകട സമയത്ത് ഉണ്ടായിരുന്നു.

ഇരുവര്‍ക്കും അപകടത്തില്‍ ഗുരുതര പരിക്കേറ്റിട്ടുണ്ട്.

പൊട്ടിത്തെറിച്ച ബോട്ടിന് സമീപമുണ്ടായിരുന്ന മറ്റൊരു ബോട്ടിലേയ്ക്കും ഇന്ധനം നിറക്കുന്ന ഗ്യാസ് പമ്പിലേക്കും തീ പടര്‍ന്നിരുന്നു.

അപകടം നിയന്ത്രണവിധേയമാക്കിയതായി അധികൃതര്‍ അറിയിച്ചു.