സൈക്കിളില്‍ ഇടിച്ച് കാറിന്റെ ബംബര്‍ തകര്‍ന്നെന്ന് പറഞ്ഞാല്‍ കാറായ കാറൊക്കെ അപമാനഭാരത്താല്‍ തലകുനിയ്ക്കും! ഇപ്പോള്‍ അതും നടന്നുകഴിഞ്ഞിരിക്കുന്നു!

അതിന്റെ ചിത്രങ്ങള്‍ സോഷ്യല്‍മീഡിയയെ അതിശയിപ്പിക്കുന്നു. ചൈനയിലെ ഷെന്‍സെന്നിലാണ് സംഭവം നടന്നത്.

അപകടത്തില്‍ കാറിന്റെ ബംബര്‍ തകര്‍ന്നെങ്കിലും സൈക്കിളിന് യാതൊരു കേടുപാടും പറ്റിയിരുന്നില്ല. ഇതാണ് ഏറെ അമ്പരപ്പ് ഉളവാക്കിയത്.

ഈ ചിത്രം സോഷ്യല്‍മീഡിയയില്‍ പ്രചരിച്ചതിനെ തുടര്‍ന്ന് ഇത് ഫോട്ടോഷോപ്പ് ചെയ്തതാണെന്ന് നിരവധിയാളുകള്‍ പറഞ്ഞിരുന്നു.

എന്നാല്‍ ഈ അപകടം നടന്നതാണെന്ന് പോലീസ് തന്നെ വ്യക്തമാക്കിയതിനെ തുടര്‍ന്നാണ് സംശയങ്ങള്‍ മറനീക്കിയത്.

അപകടത്തില്‍ കാര്‍ യാത്രികന് പരിക്കുകളൊന്നും സംഭവിച്ചിരുന്നില്ല. എന്നാല്‍ സൈക്കിള്‍ യാത്രികന് നിസാര പരിക്കേറ്റിട്ടുണ്ടെന്നാണ് അറിയുവാന്‍ സാധിക്കുന്നത്.