കേരളത്തെക്കുറിച്ച് രണ്ടു വാക്ക് സംസാരിക്കാൻ ആവശ്യപ്പെട്ട ടീച്ചറെ ഞെട്ടിച്ച് വിദ്യാർത്ഥിയുടെ പ്രകടനം. കേരളം നമ്മുടെ രാജ്യമാണ്, കേരളത്തിൽ പുഴയും കടലുമുണ്ടെന്ന് പറഞ്ഞ് കാടുകയറുന്നതാണ് ഇവിടുത്തെ ബഹുവിശേഷം. പക്ഷെ കടലിൽ മീനുണ്ട്. മീനിന് ജീവിക്കാനാണ് വെള്ളം. വെള്ളത്തിൽ മീനുണ്ട്. മീൻ വെള്ളത്തിൽ മാത്രമേ ജീവിക്കുള്ളൂ. ഇങ്ങനെ പോകുന്നു നമ്മുടെ താരത്തിന്റെ വാക്കുകൾ. ഇതിനിടയിൽ ടീച്ചർ കേരളത്തെക്കുറിച്ച് പറയാൻ ഓർമ്മിപ്പിക്കുന്നുണ്ട്.

അപ്പോഴേക്കും പ്രസംഗം അടിമുടി മാറുകയാണ്. കേരളത്തിൽ മനുഷ്യർക്ക് വിശക്കുമ്പോൾ മാത്രമേ ഭക്ഷണം കഴിക്കാറുള്ളുവെന്നും, കേരളത്തിൽ ഭക്ഷണം കിട്ടില്ലെങ്കിൽ ഭക്ഷണം നമ്മൾ വാങ്ങുമെന്നും, . ദോശ കിട്ടിയില്ലെങ്കിലും നമ്മൾ ഉണ്ടാക്കണമെന്നും കുട്ടിവിരുതൻ പറയുന്നു. കേരളത്തിൽ സ്ഥലങ്ങളുണ്ട്, തൃപ്പുണിത്തുറ, അതിരപ്പുഴ, തൃശൂർ, കോട്ടയം എന്നും, കേരളത്തിൽ രാജ്യങ്ങൾ മാത്രമേ ഉണ്ടാകുവെന്നും പറഞ്ഞപ്പിക്കുന്നു. കേരളം നമ്മുടെ രാജ്യമാണെന്ന് കേരളത്തിലുള്ള എല്ലാവർക്കും അറിയാമെന്ന് പ്രഖ്യാപിച്ചാണ് വീഡിയോ അവസാനിക്കുന്നത്. എന്തായാലും 

സംഭവം സോഷ്യൽ മീഡിയയിൽ കളറായിട്ടുണ്ട്. ടീച്ചർ പറഞ്ഞതിന് പിന്നാലെ പ്രസംഗിക്കുന്ന ഈ മിടുക്കനെ തേടി നിരവധി പേരാണ് അഭിനന്ദനവുമായി എത്തിയത്. നാണിച്ചു നിൽക്കാതെയുള്ള ഉശിരൻ പ്രസംഗത്തിന് സോഷ്യൽ മീ‍ഡിയ നൽകുന്നത് നിറഞ്ഞ കയ്യടിയാണ്. കോട്ടയത്തെ സ്കൂളിൽ പഠിക്കുന്ന ഈ കുട്ടിക്കുറുമ്പന്റെ പേര് ഡാനിയൽ മാത്യു എന്നാണ്. തൃപ്പുണ്ണിത്തുറ സ്വദേശിയായ ഡാനിയലിന് മാത്തനെന്നും വിളിപ്പേരുണ്ട്.